Ekibastuzda áli 29 jeke úı jylýsyz otyr. Bul týraly brıfıngte Ekibastuz qalasynyń ákimi Aıan Beısekın málimdedi, dep habarlaıdy “Adyrna” ulttyq portaly.
“Jeke sektordaǵy sandar únemi ózgerip otyrady. Ótken túnde bizde 38-ge jýyq jeke turǵyn úı jylýsyz qaldy, endi 29-yn jylý júıesine qosý qaldy.Jumys tańnan keshke deıin jalǵasýda. 400-ge jýyq adam jumyldyrylǵan. Jylytý máselesi boıynsha turǵyndardan kóptegen suraqtar týyndaıdy. Kómek qoljetimdi. Qazir jylýmen jabdyqtaý júıesin teńgerimdeýmen aınalysatyn bes rettegishter toby bar”, – dedi Beısekın.
Onyń aıtýynsha, ekibastuzdyqtarǵa kómekke pavlodarlyq mamandar kelgen.
“Olar aldaǵy birneshe kúnde, múmkin aptalarda teńgerimdeý jáne baptaý jumystarymen aınalysady. Magıstraldyq jelilerde parametrler bar, biraq oramishilik jáne úıishilik jelilerde qysym máselesi bar”, – dep túsindirdi ákim.
