Úshinshi megapolıstiń “Bozaryq-2” shaǵyn aýdanynda 800 oryndyq ýnıversıtettik kópbeıindi aýrýhana men aýysymyna 700 adam qabyldaıtyn klınıkalyq-dıagnostıkalyq ortalyqtyń qurylysy bastaldy.
Resmı ashylýǵa qala ákimi M.Áıtenov, densaýlyq saqtaý jáne kásipkerlik basqarmasynyń basshylary, «SAÝTS-Oıl» kompanııasynyń prezıdenti S.Seıitjanov, “China Machinery Engeneering Corporation” dırektory Hý Djanhý, ýnıversıtet rektorlary, professorlar, qoǵam belsendileri men BAQ ókilderi qatysty.
Joba arnaıy memlekettik baǵdarlama aıasynda Shymkent qalasynyń Densaýlyq saqtaý ınfraqurylymyn damytýdyń 2026 jylǵa deıingi óńirlik perspektıvalyq josparyna sáıkes iske asyrylýda.
Nysandar jeke ınvestor-“Ońtústik”qarjy saýda-ónerkásiptik korporaııasy» holdıngi esebinen qarjylandyrylýda, nátıjesinde qalada jańadan 2500-nan astam jumys oryny ashylmaq.
Sharanyń saltanatty ashylýyna qatysqan shahar basshysy:
- Prezıdentimiz Joldaýynda basymdyq bergendeı, el ekonomıkasy men halyqtyń densaýlyǵy arasynda tikeleı baılanys bar ekeni belgili. Ekonomıkalyq damýdyń álemdik tájirıbesi kórsetip otyrǵandaı, deni saý ult tıimdi ekonomıkany qalyptastyrady. Ult saýlyǵy óndiris resýrsy, kez kelgen qoǵamdyq júıeniń basty baılyǵy bolyp tabylady. Osy oraıda, qalamyzda jańa zamanaýı aýrýhana salý halyqqa medıınalyq kómektiń sapasyn arttyratyndyǵyna, tósek-oryn tapshylyǵyn qysqartýdy qamtamasyz etip, qalamyzdyń turǵyndaryna joǵary tehnologııalyq medıınalyq qyzmetterdi alýǵa múmkindik beretindigine senimdimin,-deı kele zamanaýı nysan salýǵa muryndyq bolǵan «Ońtústik» qarjy saýda-ónerkásiptik korporaııasy» holdınginiń, Ońtústik Qazaqstan medıına akademııasynyń komandasyna jáne jeke S.Seıtjanulyna belsendi azamattyq ustanymy men shahardyń densaýlyq saqtaý salasyn damytýǵa qosqan erekshe úlesi úshin alǵys bildirdi.
Al «SAÝTS-Oıl» kompanııasynyń prezıdenti S.Seıitjanov megapolısti kórkeıtý, damytýda jolynda aıanbaı eńbek etýge daıyn ekendikterin jetkizdi. “Shym shahardyń gúldenip, túrlenýine árbirimiz úles qosqanymyz jón. Óıtkeni Shymkent - bizdiń ortaq úıimiz. Al ult saýlyǵy Qazaqstan bolashaǵy úshin óte mańyzdy, deni saý ult qana Otanyn damyta alady”-dedi ol.
Qala ákimdigi tarapynan bul bastamaǵa jan-jaqty qoldaý kórsetilýde.
Qazirgi tańda jobany iske asyrý úshin Bozaryq-2 shaǵyn aýdanynda ornalasqan jalpy aýdany 150 ga arnaıy aýrýhana qurylysy úshin bólingen jer ýchaskesine qajetti ınfraqurylym júıeleri atap aıtqanda, elektr, gaz, sý, káriz júıesi, telefonııa jetkizildi. Aldaǵy ýaqytta qurylys kezeńinde qajetti joldar men jol ınfraqurylymynyń qurylysy qamtamasyz etiledi.
