Qaraǵandy eki kún boldy dúrligip tur. Qaladaǵy quqyq qorǵaý organdarynda da maza joq. Kenshiler shaharyndaǵy «Drevnıı Rım» meıramhanasynda Jańa jyldy qarsy almaqqa jınalǵan 6 qazaq jigitine 30 shaqty armıan ultynyń ókilderi jabylyp ketipti. Bul meıramhananyń ıesi armıan. 6 jigittiń úsheýin pyshaqtap, tórtinshi jigit sol jerde qaıtys bolady. Qaıtys bolǵan 23 jastaǵy jigit Janseıit Rahymjan Bahytjanuly . Kisi óltirgender sol jerde izin sýytyp, qazir olardy izdestirý ústinde. Buny estigen jergilikti qazaqtar kóterilip, qala úreı qushaǵynda. Polıııa qyzmetkerleri men jergilikti basqarý organdarynyń kúshimen ashýly jurtty áreń ustap tursa kerek. Sebebi, tóbeleske qatysqan, adam óltirgender jazadan sytylyp kete me degen kópshilik, kinálilerdiń qatań jazalanýyn talap etýde. Qaraǵandydaǵy eń iri avtobaza men avtopark, kóptegen restorandar armıandardiki. Solar aqshanyń kúshimen sýdan taza, sútten aq bolyp shyqsa da tań qalmaımyz degen qaraǵandylyqtar, ázir basylar emes. Bul tóbeles iship alǵan eki toptyń tóbelesi emes. Óıtkeni, kezinde jer aýyp kelip, qazaq halqynan pana taýyp, nanyn jep, sýyn iship jany aman qalǵandar qazir jergilikti ultqa kóz alartýǵa kóshken. Kóz alartqandy qoıyp endi judyryq jumsaı bastady. Keshe ǵana bosaǵańnan engen kelimsekter shańyraqqa qaraýdy qoıdy. Qazaq Elinde 130 ULT EMES; ULT ÓKILDERI turatynyn solarǵa durys túsindirmegen bılik kináli. Sondyqtan, jaýyrdy jaba toqymaı tez arada bul máseleni sheshpese, jaǵdaı ýshyǵa bermek.
Ońǵar Qabden
«Adyrna» ulttyq portaly
