Ekibastuzdaǵy jaǵdaı áli turaqtalmaǵan. Bul týraly jýrnalıst, bloger Ońǵar Qabden arnaıy reportaj joldady, dep habarlaıdy “Adyrna” ulttyq portaly.
“Búgin Ekibastuzdaǵy apatty jaǵdaıǵa týra 7 kún tolyp otyr. Qazir búkil qala qarbalas. Qaladaǵy jaǵdaıǵa keletin bolsaq, resmı málimet 11 úıge jylý berilmegen deıdi. Búgin keshke deıin beremiz deıdi. Biraq búkil qalada jylý bar dep aıta almaımyz. Óıtkeni, batareıalar qatyp qalmasyn dep qanjylym ǵana jylý jiberip otyr.
Biz qazir Ekibastuz qalasy Sátpaev kóshesi 8 úıdiń aldynda turmyz. Bul qaladaǵy máselesi ózekti úılerdiń biri. Úıde jylý joq, keıbir úılerde jaryq joq. Turǵyndar jylyný úshin dalaǵa shyǵyp júr. “Dalaǵa shyǵyp, jylynyp alamyz” dep ózderi qaljyndap qoıady. Ekibastuzda aıaz kúsheıip keledi. Tez arada máseleni sheshpese, aıaz jyǵylǵan ústine judyryq bolady.
Al adamı faktorǵa kelsek, oblys, qalalardan svarık, slesar kelip jatyr. Alda jylý berilýi múmkin. Alaıda qubyrlardyń sýyqqa tózimdi, qanshalyqty másele bolmaıtynyna eshkim kepildik bere almaıdy”, - dedi ol.
