Qazaqstan Respýblıkasy Prezıdentiniń Jarlyǵyna sáıkes, qala ákimi M.Áıtenovtiń kezekti, ár toqsan saıynǵy halyqpen esepti kezdesýi Abaı aýdany turǵyndarymen jalǵasty.
Shahar basshysy 9 aıdyń qorytyndysy boıynsha baıandama jasap, 50-den asa suraqtarǵa jaýap berdi.
Kezdesýge 400-ge jýyq turǵynmen qatar, qoǵamdyq keńes músheleri, máslıhat depýtattary men BAQ ókilderi qatysty. Atalǵan jıyn Shymkent qalasy ákimdiginiń ınstagramdaǵy resmı paraqshasynda tikeleı efırde kórsetildi.
Shahar basshysynyń jyl basynan bastap megapolıstegi eldimekenderdi aralaý barysynda 125 kezdesý ótkizilip, 1020 másele kóterilgen. Árbiri jeke hattamaǵa engizilip, oryndalýy jiti baqylaýǵa alynǵan. Nátıjesinde búginge deıin 488 másele sheshilgen, 377-si jyl sońyna deıin sheshimin tabatyn bolsa, al 195 másele 2023-2025 jyldar josparyna engizilgen.
Odan bólek, aı saıyn aýdan belsendilerimen ákimdik ǵımaratynda qabyldaýlar ótýde. Onda atqarylǵan jumystar nátıjesi baıandalyp, belsendi turǵyndarmen maquldanyp otyrdy. Sońǵy 9 aıda 11 ret jeke qabyldaý ótkizip, 1 217 azamattyń máselesi tyńdaldy. 2 341 máseleniń 760-sy naqty shimin tapsa, 1 476-sy oryndalýda, qalǵan máseleler zań talaptaryna sáıkes sheshiletin bolady.
Bılik pen halyq arasyndaǵy baılanys osyndaı ashyq dıalogtar arqyly talqylanyp, qalanyń órkendeýi jolynda úsh jaqty jaýapkershilik ornaǵanyna toqtalǵan Murat Áıtenov aldaǵy ýaqytta da bul jumystar jalǵasatynyn jetkizdi.
Óz kezeginde Abaı aýdany ákimi B.Parmanov 34 eldimeken boıynsha atqarylǵan jumystar men halyq suranysyndaǵy aýyz sý, gaz, jol máseleseniń sheshimderi boıynsha baıandama jasady.
Jıyn sońynda qala ákimi hattamaǵa engen máselelerdiń sheshimi boıynsha, zań aıasynda jan-jaqty jumystar atqarylatynyn atap ótip, qoǵamdyq máselelerdiń sheshiminde belsendilik tanytqan turǵyndarǵa rızashylyǵyn bildirdi.
Shymkent qalasy ákimdiginiń baspasóz qyzmeti
