Shymkent qalasynyń Ál-Farabı kitaphanasynda zııaly qaýym ókilderi Memleket basshysy Qasym-Jomart Toqaevtyń «Ádiletti memleket. Birtutas ult. Berekeli qoǵam» atty Joldaýyn sóz etti. Jıynǵa qatysýshylar óz oıymen bólisip, Joldaýda aıtylǵan ár baǵytty keńinen tarqatty.
«Amanat» partııasynyń Qarataý aýdany fılıalynyń atqarýshy hatshysy Ábdez Rahmanulynyń aıtýynsha, bul jolǵy Joldaýda halyqtyń áleýmettik máselesi men balalardyń bolashaǵyn ınvestıııalaýdyń tyń ádisteri usynyldy. Sonymen birge aldaǵy kezekten tys saılaýdyń mańyzdylyǵyna toqtaldy.
– Maýsym aıynda jalpyhalyqtyq referendýmda zańǵa ózgeris engizý úshin daýys berdik. Kóp uzamaı eń alǵashqy ózgeris Prezıdent Joldaýynda kórinis tapty. Memleket basshysy jer men onyń qoınaýyndaǵy baılyq halyqqa tıesili ekenin atap ótti. 2024 jyldan bastap Ulttyq qordyń ınvestıııalyq túsiminiń 50 paıyzy balalardyń jeke shotyna aýdarylyp otyratyn boldy. Bolashaqta osy qarjyny 18-ge tolǵan árbir jas sapaly bilim men baspana alýǵa jumsaıdy. Bul órkenıetke bet alǵan el úshin óte durys sheshim. Álemdik tájirıbede 5 jyl jumys istegen kompanııaǵa el senimmen qaraıdy eken. Al, memlekettik basqarýda Ulttyq deńgeıdegi jobalardy júzege asyrýǵa 7 jyl qajet ekenin sarapshylar aıtýda. Elimizde Prezıdent tek 1 ret 7 jylǵa saılanýy da halyqtyń ál-aýqatyn kóterip, ekonomıkany damytýǵa jetkilikti dep oılaımyn, - dedi Á.Rahmanuly.
Al, Ál-Farabı atyndaǵy kitaphananyń dırektory Anar Japparqulova damýdyń ár salasyn búge-shegesine deıin qamtyǵan salmaqty Joldaý bolǵanyn jetkizdi.
– Ádiletti memleket degende tek qujat júzinde oryndalatyn ister bolatyn. Qazir kúnnen-kúnge oryn alyp jatqan ózgerister men jaǵymdy jańalyqtardyń kýási bolǵannan keıin shyn máninde jańa memleket qalyptasyp jatqanyna óte qýanyshtymyz, - dedi ol.
«Shymkent kelbeti» «Panorama Shymkenta» gazeteriniń bas redaktory Baqtııar Taıjan bıyldyń ózinde kóptegen ıgi ister iske asyrylyp, halyqqa qolaıly orta qalyptasqanyn aıtty.
–Álemde jer kólemi jaǵyna 9 orynda turǵan elimizde mal sharýashylyǵy aqsap turǵany jasyryn emes. Etti Brazılııadan ımporttaýdyń ózi osyǵan dálel. Bıyl Prezıdenttiń tapsyrmasyna sáıkes ıgerilmeı jatqan aýyl sharýashylyǵy maqsatyndaǵy 2,9 mıllıon gektar jer memleket ıeligine qaıtaryldy. Osy jyldyń sońyna deıin 5 mln. jerdi qaıtarý josparlanyp otyr. Kelesi jyldyń sońyna deıin Memleket basshysy taǵy 10 mln. gektar ıgerilmeı nemese zańsyz berilgen jerdi memleketke qaıtarýdy tapsyrdy. Osy qaıtarylǵan aýyl sharýashylyǵy jerleri mal ósirip otyrǵan sharýalarǵa berilse, bizdiń elde et pen sút ónimderiniń ımporty toqtar edi, - deıdi B.Taıjan.
Al, jýrnalıst Záýre Oralbaeva aıtýynsha, ádiletti qoǵam qurý úshin eńbek adamynyń isteri elenýi kerek.
– Prezıdent Q.Toqaev ár sózinde ádiletti qoǵamda eńbek adamy birinshi kezekte ekenin aıtady. Árbir sala naǵyz bilikti mamandardyń arqasynda damıdy. Olaı bolsa ádiletti memleketti qurýda birinshi kezekte eńbek adamy baǵalanýy kerek. Ár adam óziniń jumysyna asa jaýapkershilikpen qarasa kez kelgen sala júıelenedi, damıdy. Sondyqtan eldiń damýy bir ǵana memleketke emes, árbir azamatqa, ıaǵnı eńbek adamyna baılanysty, - deıdi Z.Oralbaeva.
Aıta keteıik, Shymkentte zııaly qaýym ókilderiniń bas qosýymen túrli saladaǵy taqyryptar qamtylyp, is-sharalarǵa arqaý bolýda. Bul joly qalanyń zııaly qaýymy Prezıdenttiń Joldaýyndaǵy iske asýy tıis baǵyttardy saralady.
