Qazaqstannyń halyq ártisi Nurǵalı Núsipjanovtyń aýrýhanaǵa túsip qalǵany týraly aqparat taraǵan bolatyn. Búgin ánshiniń jaǵdaıy jaqsarǵany týraly ánshi Ramazan Stamǵazy aıtty, dep habarlaıdy “Adyrna” ulttyq portaly.
”Nurǵalı aǵamen keshe habarlasyp jaǵdaıyn suradym. Aǵa aýyryp qaldy dep jatyr, qalyńyz qalaı,aman-esensizbe dep? Bir aýnap turdym, qattylaý keldi, túri jaman dep biraz áńgimelestik. Shúkir, kázirgi jaǵdaıy jaman emes, sahnaǵa shyǵýǵa,án salýǵa shamasy jetip-aq tur. Ishtegi bir ókinish 85- jasqa kelgende, joǵardaǵy minbedegi aq jaǵalylardyń kóńil bólmegenine qaıran qalyp otyrǵanyn sezdim…. Aıtatyn qanshama áni irkilip toqtap turǵany, durkiretip ótkizýine kóńil bólinbeı turǵanyn estip mende oılanyp qaldym. Qazaq óneriniń qara nary,bútkil ómirin ónerge arnaǵan aqsaqal abyzy, kúnde 85-ke kelip jatqan joq. Almatynyń mádenıet basqarmasy, ákimi qaıda qarap oryr? Mádenıet Mınıstiri, kómekshileri qaıda? Olarǵa aıtatyn adam joqpa….Uıat boldy, aıtatyn sózim joq. Nurǵalı aǵamyzǵa Jaratqan ıem kúsh qýat bersin! Jasaı berińiz Nur aǵa 90-100 ge kelgen toıyńyzdy amandyq bolsa kórýge jazsyn!”,- dedi ánshi.
