Jazuşy, "Qazaq Ädebietı" basylymynyŋ bas redaktory Däuren Quat qazaq önerıne ūşan-teŋız üles qosqan änşı Nūrǧali Nüsıpjanovtyŋ atausyz qalǧan mereitoiyna uäj aityp, däuır darabozyna laiyq qūrmet körsetılmei otyrǧandyǧyn alǧa tartty. Bügınde qanşama ūrpaqty balkömei darynymen qanattandyrǧan qūrmettı aqsaqal eleusız qalyp, onyŋ ornyn qazaq tılıne qūrmetı tömen jastar basqan. Būl josyn jaidy "Adyrna" ūlttyq portaly habarlady.
- 7-arnadan bır änşı balanyŋ konsertı bolyp jatyr. Älgı balanyŋ än aityp jürgenıne 15 jyl bolypty. Qūdai aqy, bır änın bılmeimın. Özı özbek pe, ūiǧyr ma — sondai bır ūlttyŋ tölı. Äiteuır, qazaqşa än aitqanymen, qazaqşa söilemeidı. Al endı än älemındegı on bes jyldyǧy dürkırep ötude. Zal toly halyq, - dep jazdy qalamger.
Mūnymen qosa, qalamger Däuren Quat qazaq ruhaniiatynyŋ abyzyna ainalǧan änşınıŋ eleusız qaluy - qazaq ruhaniiatyna köptıŋ tanytqan nemqūraidylyǧy degen toqtamǧa keldı.
- ... Ökınıştı. Älgı änşınıŋ konsertın TV-dan tamaşalap, üiınde Nūrǧali Nüsıpjanov otyr. Jasy biyl — 85-te. Sahnada sairan salǧanyna — 65 jyl. Nūraǧam bügın de babynda. Bıraq nege ekenı belgısız, eleusız qalyp barady. Mereitoiy da, sahnadaǧy 65 jyldyǧy da atausyz qaldy. Nege?Nūraǧaŋ — özımen zamandas, tūstas kompozitorlardyŋ änderın qalyŋ elge äigılegen balkömei änşı. Qanşama ūrpaq Nūrǧali Nüsıpjanov salǧan änderdıŋ äldiı men ruhyna bölenıp östı deseŋızşı! Sondai tūlǧa osy künı közden tasa, köŋılsızdeu ǧūmyr keşude.Jaqsyŋdy jabyrqatpa, aǧaiyn! Nūraǧaŋa laiyqty qūrmet jasaiyq! - dep sözın tüiındedı avtor.
"Adyrna" ūlttyq portaly
Ūqsas jaŋalyqtar
