Jazýshy, "Qazaq Ádebıeti" basylymynyń bas redaktory Dáýren Qýat qazaq ónerine ushan-teńiz úles qosqan ánshi Nurǵalı Núsipjanovtyń ataýsyz qalǵan mereıtoıyna ýáj aıtyp, dáýir darabozyna laıyq qurmet kórsetilmeı otyrǵandyǵyn alǵa tartty. Búginde qanshama urpaqty balkómeı darynymen qanattandyrǵan qurmetti aqsaqal eleýsiz qalyp, onyń ornyn qazaq tiline qurmeti tómen jastar basqan. Bul josyn jaıdy "Adyrna" ulttyq portaly habarlady.
- 7-arnadan bir ánshi balanyń konerti bolyp jatyr. Álgi balanyń án aıtyp júrgenine 15 jyl bolypty. Qudaı aqy, bir ánin bilmeımin. Ózi ózbek pe, uıǵyr ma — sondaı bir ulttyń tóli. Áıteýir, qazaqsha án aıtqanymen, qazaqsha sóılemeıdi. Al endi án álemindegi on bes jyldyǵy dúrkirep ótýde. Zal toly halyq, - dep jazdy qalamger.
Munymen qosa, qalamger Dáýren Qýat qazaq rýhanııatynyń abyzyna aınalǵan ánshiniń eleýsiz qalýy - qazaq rýhanııatyna kóptiń tanytqan nemquraıdylyǵy degen toqtamǵa keldi.
- ... Ókinishti. Álgi ánshiniń konertin TV-dan tamashalap, úıinde Nurǵalı Núsipjanov otyr. Jasy bıyl — 85-te. Sahnada saıran salǵanyna — 65 jyl. Nuraǵam búgin de babynda. Biraq nege ekeni belgisiz, eleýsiz qalyp barady. Mereıtoıy da, sahnadaǵy 65 jyldyǵy da ataýsyz qaldy. Nege?Nuraǵań — ózimen zamandas, tustas kompozıtorlardyń ánderin qalyń elge áıgilegen balkómeı ánshi. Qanshama urpaq Nurǵalı Núsipjanov salǵan ánderdiń áldıi men rýhyna bólenip ósti deseńizshi! Sondaı tulǵa osy kúni kózden tasa, kóńilsizdeý ǵumyr keshýde.Jaqsyńdy jabyrqatpa, aǵaıyn! Nuraǵańa laıyqty qurmet jasaıyq! - dep sózin túıindedi avtor.
"Adyrna" ulttyq portaly
