"Eshkimdi aıamaıdy": Ýkraınadaǵy Reseı kúshteriniń jańa qolbasshysy taǵaıyndaldy

2809
Adyrna.kz Telegram

Ýkraınadaǵy Reseı kúshteriniń jańa qolbasshysy taǵaıyndaldy. Bul reseılik general Sırııadaǵy jáne basqa da soǵys aımaqtaryndaǵy beıbit turǵyndarǵa qatygezdigimen tanymal, deıdi AQSh-tyń resmı derekkózderi.

AQSh sheneýnikteri jeksenbi kúni Reseıdiń eń tájirıbeli generaldarynyń biri, 60 jastaǵy general Aleksandr Dvornıkovtiń Ýkraınadaǵy Reseı áskerı tobynyń jańa qolbasshysy bolyp taǵaıyndalǵanyn habarlady.

2015 jyly Dvornıkov Sırııaǵa prezıdent Bashar ál-Asadty qoldaý úshin baryp, onda bir jyl reseılik topty basqardy. Oǵan Sırııadaǵy operaııalary úshin Reseı Federaııasynyń Batyry ataǵy berildi jáne qazir Reseı Federaııasynyń Ońtústik áskerı okrýginiń qolbasshysy.

Sırııadaǵy onyń qolbasshylyǵyndaǵy kúshter birneshe ret azamattyq aýdandar men aýrýhanalardy bombalady dep aıyptalǵan. Ulybrıtanııada ornalasqan sırııalyq adam quqyqtary uıymynyń basshysy Ramı Abdýlrahman Nıý-Iork Taıms gazetine: «Sırııadaǵy beıbit turǵyndardy óltirgeni úshin jaýap beretin jalǵyz adam Bashar Asad emes, reseılik general da. Ol áskerı qımyldardyń qolbasshysy boldy: bul sırııalyq beıbit turǵyndardy óltirýdiń artynda onyń turǵanyn bildiredi, munyń bárine buıryq bergen sol» degen bolatyn.

Aq úıdiń ulttyq qaýipsizdik jónindegi keńesshisi Djeık Sallıvan CNN telearnasyna Ýkraınadaǵy «Dvornıkovtan budan da kóp nárseni kútýge bolady» dedi. Sonymen birge Sallıvan «qandaı bolmasyn basqa generaldy taǵaıyndaý Reseıdiń Ýkraınada strategııalyq sátsizdikke ushyrap turǵanyn joqqa shyǵara almaıdy», generaldyqqa kim kelse de eldi tez arada basyp alyp, prezıdent Vladımır Zelenskııdiń úkimetin qulata almaıtynyn aıtty.

«Bul general ýkraınalyq beıbit turǵyndarǵa qarsy qylmys pen qatygezdiktiń taǵy bir kózi bolady», - dedi Sallıvan. «Al Amerıka Qurama Shtattary, men buryn aıtqanymdaı, ol (Dvornıkov) basqaratyn kúshterge toıtarys berip jatqan ýkraındarǵa qoldaý kórsetý úshin qoldan kelgenniń bárin jasaýǵa bel baılady».

"Adyrna" ulttyq portaly

Pikirler