Atyraýda tárbıeshi aýtıst balaǵa dóreki áreket kórsetken. Bul týraly balanyń anasy túzetý ortalyǵynda ornatylǵan qaýipsizdik kameralarynan alynǵan beıneni óziniń Instagram paraqshasynda jarııalady, dep habarlaıdy “Adyrna” ulttyq portaly.
Balanyń anasy polıııaǵa júgindi.
"Meniń oıymsha, dál qazir árbir ana balalar ortalyǵynan alǵan beınejazbany kórgennen beri qandaı azap shegip jatqanymdy túsinedi. Bul balany otbasymyz kóp kútti. Ókinishke oraı, ulym "ZPR aýtızm spektri" dıagnozymen dúnıege keldi. Kúıeýim ekeýmiz ulymy qurdastarynyń janynda ózin senimdi sezinýi úshin qoldan kelgenniń bárin jasaımyz. Úsh jyl boıy kún saıyn ulym úshin bárin jasap kelemin jáne jasaımyn da! Biz – qarapaıym jas otbasymyz, aqsha jınaımyz, bizdiń balamyz da ózge úsh jasar balalar sııaqty anasymen sóılesip, 8 naýryzda taqpaq aıtyp berýi úshin ulymyzdy arnaıy ortalyqta oqytýǵa qarjy bólemiz.
2,5 jasqa tolǵan ulymyzdy "Jas urpaq" erekshe balalarǵa arnalǵan túzetý ortalyǵyna jiberýdi uıǵardyq. Biz ortalyqty muqııat, qaladaǵy eń jaqsysyn tańdadyq dep oıladyq. Alaıda, beınebaqylaý kameralaryn kórgennen keıin qateleskenimizdi túsindik. Bul qatelik, ókinishke qaraı, meniń ulyma aýyr tıdi. Bala onsyz da sóılespeıdi, óte sezimtal, osal, muǵalimniń ony súırep, urǵanyn kórgen saıyn júregim qysylyp, eziledi. Biraq men ózimdi jınap, qolymnan kelgenniń bárin jasaýym kerek! Aryz berdik, biraq úmit az. Sondyqtan, osyndaı árekettiń qurbany bir emes, birneshe erekshe balalar bolǵandyqtan, rezonans kóterip, repost jasap, kópshilikke jiberýlerińizdi suraımyn!”,- dep jazdy anasy.
Sondaı-aq, ol kináli jazasyz qalady dep qorqatynyn da jasyrmady.
“Vıdeo beınebaqylaý kameralaryna kezdeısoq túsirilgen, sol kúnnen bastap úsh kúnnen beri ne tamaq ishpedim, ne uıyqtamadym. Balama qol kótergen adam jazasyz qalýy múmkin degen oımen-aq toıyp qalamyn. Vıdeoda azamat R. - nyń ulyma jáne basqa da erekshe balalarǵa zorlyq-zombylyq pen dóreki qarym-qatynas jasaǵanyn kóresiz. Ol mundaı jaǵdaılarda kógerý ǵana jalǵyz dáleli ekenin túsinedi (óıtkeni balalar sóılespeıdi jáne shaǵymdana almaıdy). Sondyqtan saýsaqtaryn ádeıi buraıdy, ádette olar kógermeıdi. Iaǵnı, ol muny sanaly túrde jáne jıi jasaǵan. Bul jerde artyq sóz aıtyp qajet emes dep oılaımyn", - dep jazdy áıel.
