Resei Ukrainanyŋ Poltava qalasyna soqqy jasap, saldarynan 41 adam qaza tapty, dep habarlaidy “Adyrna” tılşısı.
VVS agenttıgı 180 adamnyŋ jaralanǧanyn mälımdedı.
Ukraina prezidentı Zelenskii, qalada bılım beru mekemesı men auruhanaǧa ballistikalyq zymyrandarmen şabuyl jasalǧanyn habarlap otyr. Adam ömırın jalmaǧan soqqy 3 qyrküiek künı taŋerteŋ bolǧan.
"Bailanys institutynyŋ bır ǧimaraty jartylai qirap qaldy. Adamdar üiındıler astynda qaldy. Köbı aman qaldy. 180-nen astam adam jaraqat aldy. Ökınışke qarai, köbı qaitys boldy. Qazır 41 adam qaitys bolǧany belgılı. Barlyq otbasy men jaqyndaryna köŋıl aitamyn", – dedı Zelenskii.Onyŋ aituynşa, qūtqaru jūmystaryna barlyq jedel qyzmet jūmylǧan. "Soqqydan keiıngı alǧaşqy minuttardan bastap adamdardyŋ ömırın saqtap qaluǧa kömekteskenderge alǧys aitamyn", – dedı Zelenskii.Ukraina bilıgınıŋ mälımetınşe, Resei eldegı qaruly küşterdıŋ Poltavadaǧy oqu ortalyǧyna ekı ballistikalyq zymyran tastap, soqqy jasaǧan.
"Bügın Poltava qorqynyşty kündı bastan keşırıp jatyr. Reseilık agressor qaladaǧy oqu oryndarynyŋ bırıne asqan qatıgezdıkpen şabuyl jasady", – delıngen Ukraina qorǧanys ministrlıgınıŋ habarlamasynda.
Ūqsas jaŋalyqtar
