T. Ábdirashev atyndaǵy QR Memlekettik akademııalyq sımfonııalyq orkestri Astanada sımfonııalyq mýzyka keshin uıymdastyrady

2860
Adyrna.kz Telegram

2022 jyldyń 9 jeltoqsanynda, saǵat 19:00-de Astana qalasynyń «QAZAQSTAN» ortalyq konert zalynda tarıhy baı, teńdesi joq ujym  – T.Ábdirashev atyndaǵy QR Memlekettik akademııalyq sımfonııalyq orkestriniń (QR MASO) konerti ótedi.

Atalmysh gastroldik konertti QR Mádenıet jáne sport mınıstrliginiń qoldaýymen Jambyl atyndaǵy Qazaq memlekettik fılarmonııasy Roza Baǵlanova atyndaǵy «Qazaqkonert» Memlekettik konerttik uıymymen birlese uıymdastyryp otyr.

    Konertke Eýropanyń jetekshi skrıpkashysy, Madrıdtegi «Katarina Gurska» joǵary mýzyka mektebiniń professory, otandasymyz Erjan Kýlıbaev, sondaı-aq búginde halqymyzdyń ulttyq mýzykalyq ónerin dáriptep, mýzykalyq saz aspaptaryn álemge tanytyp júrgen Qazaqstannyń eń tanymal «Turan» etno-folklorlyq ansambli qatysady. Konerttik shara T.Ábdirashev atyndaǵy QR Memlekettik akademııalyq sımfonııalyq orkestriniń kórkemdik jetekshisi jáne bas dırıjeri Qanat Omarovtyń basqarýymen ótedi.

    Astanalyq tyńdarmandar nazaryna jaýhar týyndylar Ia. Sıbelıýstiń orkestr men skrıpkaǵa arnalǵan re mınor konerti, S. Rahmanınovtyń ekinshi sımfonııasy men kompozıtor A. Raıymqulovanyń «Dala syry» sımfonııalyq poemasy usynylatyn bolady. «Dala syry» sımfonııalyq poemasynda organ, skrıpka, fleıta, basqa da klassıkalyq aspaptarynyń úni dombyra, daýylpaz, jetigen, qobyz, sybyzǵymen jarasym tabady. Qazaq dalasynyń tarıhyn, erlik pen órlik, sabyr men danalyq fılosofııasyn elestetetin shyǵarmany sımfonııalyq orkestr «Turan» ansamblimen birigip oryndaıdy. Eki túrli ujymnyń, eki túrli baǵyttyń sıntezi tyńdarmandardy keremet áserge bóleıdi.

    Aıta keteıik, «Dala syry» sımfonııalyq poemasynyń halyqaralyq premerasy Qurmanǵazy atyndaǵy konservatorııanyń stýdenttik orkestrimen Germanııanyń bes qalasynda, konerttik týr aıasynda ótti. Sondaı-aq poema tek Eýropada ǵana emes, Reseıdiń Marıın teatry men Máskeý memlekettik konservatorııasynyń Úlken zalynda oryndalyp, tyńdarmandar tarapynan joǵary baǵaǵa ıe boldy. 

T. Ábdirashev atyndaǵy Qazaqstan Respýblıkasynyń Memlekettik akademııalyq sımfonııalyq orkestri – 1938 jyly qurylǵan elimizdegi alǵashqy sımfonııalyq orkestr, Qazaqstannyń eń iri ári jetekshi mýzykalyq ujymy. Chehııa, Polsha, Germanııa, Avstrııa, Franııa, Ulybrıtanııa, Amerıka, Túrkııa, Koreıa, Qytaı elderiniń kompozıtorlarymen, kórnekti dırıjerlerimen avtorlyq konerttik kezdesýler uıymdastyryp, álemdik deńgeıdegi kóptegen oryndaýshylarmen birge óner kórsetýi orkestrdiń jemisti jumysynyń nátıjesi bolyp tabylady.

1958 jyly orkestr Jambyl atyndaǵy Qazaq Memlekettik fılarmonııasynyń quramyna kirip, búginde tyńdarman nazaryna sımfonııalyq mýzykany oryndaýdyń eń úzdik úlgilerin usynyp keledi. 

    Qanat Omarov  – 2015 jyldan orkestrdiń kórkemdik jetekshisi jəne bas dırıjeri bolyp qyzmet etedi. Qazaqstannyń halyq artısi, professor, otyz jylǵa jýyq Memlekettik akademııalyq sımfonııalyq orkestrdiń bas dırıjeri bolǵan Tólepbergen Ábdirashevten tálim alyp, laıyqty deńgeıde izin jalǵastyryp keledi. Sonymen qatar, «Metropolıten» opera teatrynyń bas dırıjeri, álemge áıgili maestro – Fabıo Lýızıden taǵylymdamadan ótip, mamandyǵynyń qyr-syryn ıgerdi. 

    Ol Carnegie Hall (Nıý-Iork), Kennedy Center (Vashıngton), Kitara Hall (Sapporo), Marıın teatry (Sankt-Peterbor) men Máskeý memlekettik konservatorııasynyń Úlken zalynda óner kórsetip, qazaq dırıjerlik mektebiniń tuǵyryn álemdik deńgeıde moıyndatyp júr.  

Erjan Kýlıbaev – Qazaqstandy búkil álemge tanytyp júrgen qazirgi zamannyń úzdik skrıpkashylarynyń biri. Ispanııadaǵy Sofııa patshaıymnyń joǵary mektebiniń túlegi, «Washington Award» syılyǵynyń ıegeri jáne Argentına, Polsha, Rýmynııa, Germanııa, Reseı jáne basqa da kóptegen elderdegi halyqaralyq baıqaýlardyń laýreaty. Búginde «Katarina Gurska» (Madrıd, Ispanııa) joǵary mýzyka mektebiniń professory. 

    «Turan» folklorly-etnografııalyq ansambli  Qazaqstandaǵy biregeı ujymdardyń biri, búkil túrki áleminiń mýzykalyq brendi, qazaqstandyq mýzyka mádenıetiniń injý-marjany bolyp sanalady. Ol 2008 jyly Qurmanǵazy atyndaǵy Qazaq ulttyq konservatorııasynyń qabyrǵasynda qurylǵan. Ansambl erekshelikteriniń biri sybyzǵy, sazsyrnaı, dombyra, qobyz, jetigen sııaqty saz aspaptary men kómeımen án aıtý mánerin ózara úndestirý arqyly kóne saryndy zamanaýı turǵyda qaıta jańǵyrtýdy maqsat tutýy.

    Kóne aspaptar, ulttyq mýzyka jáne zamanaýı aranjırovka – osy anyqtama boıynsha búginde «Turan» ansambli búkil álemge tanylyp júr. 

 

Pikirler