Qazaq kúresinen Erbol Sypataevty eske alýǵa arnalǵan týrnır ótti

588

Qazaqtyń sport jáne týrızm akademııasynda stýdentter arasynda qazaq kúresinen Erbol Sypataevty eske alýǵa arnalǵan týrnır ótti.

Jeltoqsan oqıǵasynyń qaharmanyn eske alýǵa arnalǵan týrnırge Almaty qalasyndaǵy joǵarǵy oqý oryndarynyń stýdentteri qatysty.

Jarystyń ashylý saltanaty Erbol Sypataevty bir mınýt únsizdikpen eske alýmen bastaldy. Odan soń jeltoqsanshy Gúlbahram Júnis, esimtanýshy Berdaly Ospan, akademııanyń prorektory Muhtar Esqaraev jáne «Adyrna» etnografııalyq birlestiginiń tóraǵasy Arman Áýbákirler bozdaqtardyń ómirinen syr shertip, solardyń arqalaǵan amanatyn jastarǵa úlgi etip, eliniń patrıoty bolýǵa shaqyrdy.

Tartysty ótken básekelerde birinshi oryndy ál-Farabı atyndaǵy QazUÝ-dyń stýdenti Q.Orynbasar , ekinshi jáne úshinshi oryndardy Qazaqtyń sport jáne týrızm akademııasynyń stýdentteri M.Berdiǵalı men A.Ońalbaı aldy.

Jarys sońynda júldegerler syılyqtarmen, medaldarmen jáne dıplomdarmen marapattaldy.

Jasulan Naýryzáli,

"Adyrna" ulttyq portaly

Pikirler