Mūhtar Äuezov atyndaǧy Qazaq Memlekettık akademiialyq drama teatrynda Qazaqstannyŋ eŋbek sıŋırgen artisı, «Qūrmet», «Parasat» ordenderınıŋ iegerı Ǧaziza Äbdınäbievanyŋ 70 jasqa tolu mereitoiyna arnalǧan «Ǧazizanyŋ syrly älemı» atty mereitoilyq-şyǧarmaşylyq keşı öttı.
Balalyq şaqtyŋ estelıkterın baiandaudan bastalǧan syrly keşte jylylyq pen meiırımnıŋ, sūlulyq pen parasattylyqtyŋ, talant pen eŋbekqorlyqtyŋ etalony Ǧaziza Äbdınäbieva sahnada sänımen, erkelıgımen öz körermenıne esep bergendei. «Ǧazizanyŋ syrly älemıne» artistıŋ ärıptesterı, önerdegı aǧa-äpkelerı, şäkırtterı jäne özge de önersüier qauym jinaldy.
«Sonau Syrdariianyŋ jaǧasynda jalaŋaiaq jügırıp jürgenım oiǧa oralady. Äke-şeşemnıŋ sanama qūiǧan säulesı, köŋıl tükpırınde qalǧan ädemı äserler ömır boiy alǧa jetelep keledı. Būl da menıŋ baqytty sätterım şyǧar», – deidı mereitoi iesı. Sondai-aq, özı aitqan, öner adamyna kerek – adaldyq pen tazalyqtyŋ da iesı – özı. Özınıŋ rejisserın tapqan, biıgın baǧyndyrǧan, öz deŋgeiın alasartpaǧan akter – baqytty.
70 jas – 70 asu emes pe?!. Asular men belderden ötıp, öz şyǧarmaşylyǧyna esep bergen aktrisa Respublikalyq jäne Halyqaralyq teatr festivalderınıŋ bırneşe märte jüldegerı, körermen qauymǧa rölderınıŋ şynaiylyǧy arqyly tanylǧan, teatr sahnasynda älemdık klassika men zamanaui dramaturgiiada 50-den astam obrazdardy somdaǧan.
Almaty Memlekettık Qūrmanǧazy atyndaǧy Öner instituty, teatr fakultetınıŋ akter bölımın bıtırgennen keiın, Ǧabit Müsırepov atyndaǧy Balalar men jasöspırımder teatrynan eŋbek jolyn bastaǧan öner iesı – 1993 jyldan bügıngı künge deiın Mūhtar Äuezov atyndaǧy Qazaq Memlekettık akademiialyq drama teatrynda talmai eŋbek etıp keledı. Şirek ǧasyr ǧūmyryn Äkemteatryna arnaǧan aktrisa sahnadaǧy ärbır rölderı arqyly köpşılıktıŋ köŋılıne jylu ūialatady.
Gülım RYSQŪL
