ء“مۋحورياپوۆتىڭ ءبىر ءتۇرى ەمەس پە؟”: ابەنوۆ رەسەيلىك ءدىنتانۋشىنىڭ استاناعا كەلۋىنە قارسى

3226
Adyrna.kz Telegram

جەلىدە رەسەيلىك ءدىنتانۋشى ءشامىل الياۋتدينوۆتىڭ استاناداعى فورۋمعا قاتىسۋى قىزۋ تالقىعا ءتۇسىپ جاتىر. ويتكەنى، ونىڭ سوعىستى قولدايتىن ۆيدەوسى كوپتىڭ اشۋىن تۋعىزعان، دەپ حابارلايدى “ادىرنا” ۇلتتىق پورتالى.

4 جەلتوقساندا استانادا «جاڭا شىنايىلىق» اتتى ۇلكەن فورۋم وتەدى. الدىن الا تاراعان اقپاراتقا سايكەس، ول فورۋمعا بەلگىلى قازاقستاندىق كاسىپكەر مارعۇلان سەيسەمباي، بلوگەر بەيبىت الىبەكوۆ پەن رەسەيلىك ءدىنتانۋشى ءشامىل الياۋتدينوۆ قاتىسپاق. الەۋمەتتىك جەلى قولدانۋشىلارى الياۋتدينوۆتىڭ ۋكرايناداعى سوعىستى قولداپ سويلەگەن ءسوزىن ءبولىسىپ، فورۋمعا ونىڭ قاتىسۋىنا جول بەرمەۋ كەرەك دەپ پىكىر ءبىلدىرىپ جاتىر.

دەپۋتات مۇرات ابەنوۆ تە Facebook پاراقشاسىنا الياۋتدينوۆتىڭ قازاقستانعا كەلۋىنە قارسى ەكەنىن ءبىلدىرىپ جازبا قالدىردى.

«بۇنداي قوزقاراسى بار ادام قازاق ەلىنىڭ جاس ازاماتتارىن نە ۇيرەتپەك، يمام رەتىندە قانداي ۋاعىز ايتپاق؟ جەلتوقساننىڭ باسىندا الماتىدا ۇلكەن فورۋم وتكىزەمىن دەگەن جارناماسىن بايقادىم. تاۋەلسىز مەلەكەتكە قارۋلى اسكەرمەن كۇشتەپ كىرىپ "تارتىپكە" كەلتىرۋ كەرەك دەگەندى قولداعان بولسا، ەرتەر جەمە-جەمگە كەلگەندە ءبىزدى دە جاقتاي قويماس.  كەرەك پە ول بىزگە؟ ءمۋحورياپوۆتىڭ ءبىر ءتۇرى ەمەس پە "وزىمىزدىكى-بىزدىكى" دەپ جۇرگەندە ، ارعى جاققا اۋناپ تۇسەتىن؟» - دەپ جازادى مۇرات ابەنوۆ الەۋمەتتىك جەلىدە.

پىكىرلەر