Almatydaǧy avtobus parkterın tekseru barysynda katalizatorlary joq 85 avtobus anyqtaldy. Būl turaly mäslihattyŋ kezekten tys sessiiasynda qalalyq Ekologiia jäne qorşaǧan orta basqarmasy basşysynyŋ orynbasary Arşat Baqtygereev mälımdedı, dep habarlaidy «Adyrna» tılşısı İnformbiuroǧa sılteme jasap.
Onyŋ aituynşa, jalpy sany 481 gazben jüretın avtobus ekologiialyq talaptarǧa säikes kelmegen.
«Jol qozǧalysyn ūiymdastyru basqarmasy olardy qoldanystaǧy talaptarǧa säikestendıru jäne zamanaui ekologiialyq standarttarǧa sai boluy üşın katalizatorlar ornatu jūmystaryn jürgızıp jatyr», – dedı Baqtygereev.
Būl mälımetter kölık qūraldarynan şyǧatyn ziiandy qaldyqtardy azaitu şaralaryn talqylau barysynda ūsynylǧan. Almaty mäslihatynyŋ töraǧasy Meiırjan Otynşiev ekologiialyq talaptarǧa sai kelmeitın kommunaldyq tehnikaǧa qatysty qandai şaralar qabyldanyp jatqanyn, älde tek jeke kölıkter ǧana tekserıletının sūrady.
Arşat Baqtygereevtıŋ aituynşa, salalyq basqarmalar men audan äkımdıkterı kommunaldyq tehnikany ekologiialyq taza otyn türlerıne köşıru nemese olardyŋ qozǧaltqyştaryn auystyru üşın biudjettık ötınımder daiyndap jatyr.
Öz kezegınde Meiırjan Otynşiev nazar tek avtobustarǧa ǧana audarylmauy tiıs ekenın aitty.
«Būl mäsele kommunaldyq tehnikaǧa da, memlekettık satyp alular arqyly tender ūtyp alatyn merdıger ūiymdardyŋ tehnikasyna da qatysty. Oǧan qūrylys tehnikasy, qalany tazalaityn jäne audandarda jūmys ısteitın tehnikalar da kıredı. Sondyqtan mūnyŋ barlyǧy eskerıluı qajet», – dedı mäslihat töraǧasy.
Sessiia barysynda Almaty qalasynyŋ 2026–2028 jyldarǧa arnalǧan qorşaǧan ortany qorǧau jönındegı ıs-şaralar jospary da qaraldy. Qūjatta atmosferalyq auany qorǧau, qaldyqtardy basqaru, su sapasyn baqylau, özender men kanaldardyŋ arnalaryn qaita jaŋǧyrtu, qalany kögaldandyru jäne jasyl jelekterdı qorǧau baǧytyndaǧy şaralar közdelgen.
Joba qoǧamdyq tyŋdaulardan ötıp, Ekologiia jäne tabiǧi resurstar ministrlıgımen kelısılgen. Talqylau qorytyndysy boiynşa mäslihat deputattary şeşım jobasyn bırauyzdan qoldady.
