Túrkııa AQSh elshiliginiń kóńil aıtýyn qabyldamady. Bul týraly Túrkııa ishki ister mınıstri Súleıman Soılý tergeýge Ystambuldaǵy lańkestik árekettiń qaı jerden úılestirilgeni málim ekenin, sondyqtan eldegi AQSh elshiliginiń kóńil aıtýy qabyldanbaǵanyn málimdedi, dep habarlaıdy “Adyrna” ulttyq portaly RIA Novostıge silteme jasap.
«Biz shabýyldyń qaı jerde úılestirilgenin bilemiz. Bizge jiberilgen habarlamany aldyq jáne onyń qandaı habar ekenin bilemiz. Biz Amerıka elshiliginiń kóńil aıtýyn qabyldamaımyz. Biz eshkimge opasyzdyq jasaǵan emespiz, sondyqtan mundaı aramzalyqqa budan bylaı tózimdilik tanytpaımyz. Istıklal kóshesi – bizdiń aıaýly ortamyz. Eger shabýyldaýshyny ustamaǵanymyzda, ol búgin Grekııaǵa qashyp keter edi», - dedi mınıstr CNN Türk arnasyna bergen suhbatynda.
Aq úıdiń baspasóz hatshysy Karın Jan-Per AQSh-tyń Ystambulda bolǵan zorlyq-zombylyq áreketin aıyptaıtynyn, sondaı-aq qurban bolǵandardyń týystaryna kóńil aıtatynyn málimdedi.
Aıta keteıik, bir kún buryn Ystambul ortalyǵyndaǵy jaıaý týrısterge arnalǵan Istıklal kóshesinde jarylys bolyp, 6 adam qaza tapqan bolatyn. Keıin Túrkııa vıe-prezıdenti Fýat Oktaı 81 adam jaralanǵanyn habarlady.
Sonymen qatar, Ystambulda lańkestik jasady degen kúdikpen ustalǵan áıeldiń sýreti jarııalandy.
Túrkııa BAQ-tarynyń habarlaýynsha, ustalǵan adam Sırııa azamaty - Alam ál bashır. Ol elde terrorıstik dep tanylǵan Kúrdistannyń jumysshy partııasymen baılanysy bar ekenin moıyndaǵan.
