Reseı úkimeti avtomobıl benzıniniń eksportyna ýaqytsha shekteýlerdi alyp tastady, dep habarlaıdy "Adyrna" ulttyq portaly RF Energetıka mınıstrligine siltep.
Reseı Federaııasynyń Úkimeti 21 qyrkúıekte engizilgen avtomobıl benzınin eksporttaýǵa ýaqytsha tyıym salýdy alyp tastaý týraly sheshim qabyldady. Oǵan sebep - 17 qarashadan bastap motor otynynyń ishki naryǵyndaǵy baǵa jaǵdaıyn turaqtandyrý jónindegi sharalar.
Ótken eki aıda munaı óńdeý zaýytynda munaıdy qaıta óńdeýdiń kólemin saqtaı otyryp, ishki naryq qamtamasyz etilgen. Nátıjesinde, eksportqa tyıym salynǵan merzimnen beri avtomobıl benzıniniń bırjalyq kóterme baǵasy aıtarlyqtaı tómendedi. Qazir avtokólik benzıniniń qory shamamen 2 mıllıon tonnany quraıdy.
Ýaqytsha tyıym salýdy toqtatýdyń taǵy bir sebebi qys mezgiliniń bastalýy bolyp otyr.
Reseıde otynnyń bırjalyq quny kóktemde kóterile bastaǵan. Avtomobıl benzıniniń eksportyna ýaqysha tyıym salýdan soń 6 qazanda RF Mınıstrler Kabıneti qosymsha sharalardy bekitti.
Sondaı-aq, otyn óndirýshiler úshin eksportqa tosqaýyl baj salyǵy engizildi. Úkimet AI-95 benzınin bırjada mindetti satý normatıvterin 15 paıyzǵa, al dızel otynyn 12,5 paıyzǵa deıin kóterdi.
