Búgin Mońǵolııa prezıdenti Ýhnaagıın Hýrelsýh Túrkııa Respýblıkasynyń prezıdenti Rejep Taıyp Erdoǵannyń shaqyrýymen Ankaraǵa memlekettik saparmen bardy, dep habarlaıdy "Adyrna" ulttyq portaly MONAME-ge silteme jasap.
Mońǵolııa prezıdenti Ýhnaagıın Hýrelsýhty, birinshi hanym Lývsandorjıın Boloreegti jáne olarmen birge kelgen delegaııany Ankara qalasyndaǵy "Esenboa" halyqaralyq áýejaıynda Túrkııa Respýblıkasynyń ishki ister mınıstri Alı Erlikaıa jáne Mońǵolııanyń Túrkııa Respýblıkasyndaǵy tótenshe jáne ókiletti elshisi G. Mýnhbaıar qarsy aldy.
Mońǵol kóshbasshysynyń bul sapary eki el arasyndaǵy dıplomatııalyq qatynastardyń ornaǵanyna 55 jyl tolýyna oraılastyrylǵan. Bul - sońǵy 21 jylda Mońǵolııa prezıdentiniń Túrkııaǵa jasaǵan alǵashqy sapary.
Memlekettik sapar aıasynda eki el prezıdentteri jeke kezdesýler, resmı kelissózder ótkizip, buqaralyq aqparat quraldary aldynda málimdeme jasaıdy.
Sapar barysynda bilim berý, jastar jáne sport, densaýlyq saqtaý jáne medıınalyq ǵylymdar salasyndaǵy yntymaqtastyq týraly úkimetaralyq kelisimder, sondaı-aq qorshaǵan ortany qorǵaý, paıdaly qazbalardy óndirý, kólik, ınfraqurylym, orman sharýashylyǵy, quqyq jáne ádilet salalaryndaǵy yntymaqtastyq týraly mańyzdy 10-nan astam qujatqa qol qoıý josparlanǵan.
Mońǵolııa men Túrkııa arasyndaǵy dıplomatııalyq qarym-qatynastar 1969 jyly 24 maýsymda ornaǵan. Mońǵolııa 1997 jyly Ankarada óz elshiligin ashsa, Túrkııa 1996 jyly Ulan-Batyrda óz elshiligin ashqan.
Eske sala keteıik, 12 qańtar kúni Ulan-Batorda myńdaǵan adam jınalyp, narazylyq sherýin ótkizip, úkimetten sybaılas jemqorlyqpen kúres, joldaǵy keptelisterdi azaıtý, salyqtardy tómendetý syndy máselelerdi sheshýdi talap etti.
