Qaraǧandy oblysy, Abai audanyna şäkırt tärbielep, bala oqytudy maqsat etıp barǧan jas maman öz instagram paraqşasynda janaiqaiyn jariia ettı. «Diplommen – auylǧa» baǧdarlamasy boiynşa öŋırge qonys audarǧan jas ūstaz Älihan İbrahimovtıŋ aitary bar. Ol jergılıktı jerdegı bılımnıŋ sapasyzdyǧyn video-ündeuınde jaiyp salǧan. Būl turasynda "Adyrna" ūlttyq portaly "aikyn.kz"-ke sılteme körsete otyryp habarlaidy.
Älihan İbrahimov qazır Aqbastau auylynyŋ mektebınde fizika pänınen sabaq beredı.
- Mekteptegı bılım deŋgeiı öte naşar. 11-synypta köbeitu kestesın bılmeitın bala otyrǧanda, bılım sapasy jaiynda ne aituǧa bolady? Al joǧary synypta kıtapty ejıktep oqyp otyrǧandardy qaida jıberemız? Matematika, jaratylystanu siiaqty pänder tömengı jäne joǧarǧy synyptarda bırıgıp ötedı. Elestetıp körıŋızşı, bır 45 minutta men fizika pänın bırden 8 jäne 10-synypqa ötkızemın. 6-8-10 synyptarǧa bır uaqytta ötetın pänder de bar. Är synypqa 45 minut emes, 15 minut qana uaqyt bölınedı. Mūǧalım ärtürlı 3 synypqa daiyndalady. Bıraq jalaqyny bır sabaqqa ǧana alady, - dep aşyndy jas maman.Jas mamannyŋ aituynşa, informatika pänınen sabaq beretın mūǧalım tehnikaǧa da, sabaqqa da, bılım beru portalyna da jauapty. Al jalaqysy - mardymsyz. Tıptı, mektepte 50 jyldan berı syiaqy almai jürgen mamandar bar eken.
Būl rette «Diplommen – auylǧa» baǧdarlamasy boiynşa qūjat räsımdeu de maşaqatqa ainalǧan. Älihannyŋ özı sol üşın audanǧa 15 ret baryp kelgen. Al direktor ony jeke şarua dep sanaityn körınedı. Sol sebeptı, jas mamandar aqysyz demalys aluǧa mäjbür. Sputnik.kz-tıŋ habarlauynşa, Qaraǧandy oblystyq bılım basqarmasy osy videoündeuden keiın Aqbastau auyldyq mektebıne ışkı tekserıs jürgızılgelı jatqanyn mälımdegen. «Arnaiy komissiia qūryldy. Onyŋ qūramyna bılım basqarmasynyŋ, bılım beru salasyndaǧy sapany baqylaudy qamtamasyz etu departamentınıŋ ökılderı endı. Aqparat rastalsa, barlyq qajettı şaralar qabyldanyp, lauazymdy tūlǧalar jauapkerşılıkke tartylatyn bolady», - delıngen resmi habarlamada.- Sabaq kezınde jinalys ötkızıp, direktordyŋ kabinetıne şaqyru – men üşın tüsınıksız jaǧdai. Mūǧalımderdı audannan keletın komissiiamen äbden qorqytyp tastady. Men bırden josparmen jüre almaitynymdy aittym. Sebebı balalardyŋ bılım deŋgeiı bır-ekı aiǧa emes, ekı-üş jylǧa qalyp qoiǧan, - dedı Älihan İbrahimov.
"Adyrna" ūlttyq portaly
Ūqsas jaŋalyqtar
