Azamattarǧa qolaily orta qūru şeŋberınde tūrǧyndardyŋ talap-tılegın eskeru basty mındet. Būl rette Memleket basşysy Qasym-Jomart Toqaevtyŋ qoǧamdaǧy aşyqtyq pen jariialylyqty jetıldıre tüsetın taǧy bır reformasy – «Halyq qatysatyn biudjet» jobasynyŋ maŋyzy orasan, dep jazdy «Adyrna» tılşısı.
Biylǧy jyly Almaty qalasynda «Halyq qatysatyn biujet» baǧdarlamasy aiasynda 237 joba qarjylandyryldy. Osylaişa, qalanyŋ 8 bırdei audanynda jaŋa skverler men oiyn alaŋdary salynyp jatyr. Jūmys jyl soŋyna deiın aiaqtalady deidı mamandar. Joba ıske qosylǧaly tūrǧyndardyŋ sūranysy boiynşa qalada ūlttyq stildegı bıregei skeit, vorkaut alaŋdary, alleialar jäne taǧy basqa da sport alaŋqailary jasalǧan.
Alatau audanyndaǧy būl alaŋ ötken jyly ǧana bos jatqan edı. Şöp-şalaŋ ösıp, qarausyz qalǧan. Al qazır balalar men audan tūrǧyndarynyŋ igılıgıne jarap tūr. «Halyq qatysatyn biudjet» baǧdarlamasy aiasynda oiyn alaŋdary salynyp, ainala tolyq abattandyryldy.
«Jaqsy salynǧan, balamyzben kelıp seruendep jürmız. Halyqtyŋ sūrauymen paidaly dünie salyna berse, köbeise, qalamyz güldense tūrǧyndar da riza bolar edı»,– dedı Alatau audanynyŋ tūrǧyny Nūrlan Şamalov.Alatau audany boiynşa jergılıktı tūrǧyn tarapynan biyl 176 jobaǧa ötınım tüsken. 36 joba audan jūrtynyŋ dauys beruı arqyly ırıktelınıp, maqūldandy. Qūny – 1 mlrd 800 myŋ teŋge. Olardyŋ qatarynda alleialar, vorkaut alaŋdary jäne taǧy basqa da sport alaŋqailary bar. Äkımdık ökılderı baǧdarlama aldaǧy jyly da jalǧasatynyn aityp, köpşılıktı quantty.
«Aldaǧy 2023 jyly jobany jalǧastyru maqsatynda 100-den astam ūsynys tüstı. Qazır tūrǧyndardyŋ dauys beruı arqyly 26 joba anyqtalyp otyr. Keler jyly jüzege asyrylady», – dedı Alatau audany äkımınıŋ orynbasary Ertıs Besırov.Qalalyq baǧdarlama aiasynda tek jaŋadan alaŋqailar ǧana salynyp qoimai, bıraz jyldan berı jöndelmegen, qarausyz qalǧan aulalarǧa kürdelı jūmys ta jasalady. Däl osy jobasy şeŋberınde Jetısu audanynda 800 mln. teŋgege 23 joba ıske asty.
"Būl jobalar Velikolukskaia köşesınde jaŋa qoǧamdyq keŋıstık qūruǧa mümkındık berdı", - deidı Almaty qalasynyŋ äkımı Erbolat Dosaev.Sondai-aq osy kezeŋde jaŋa sport alaŋdary, onyŋ ışınde Jangeldin jäne Ratuşnyi köşelerınıŋ boiyndaǧy skverlerde 6 tennis jäne 6 şahmat üstelderı ornatyldy. Atalǧan joba boiynşa audan tūrǧyndary 2023 jylǧa qoǧamdyq keŋıstıktı abattandyru jäne kögaldandyru, balalar men sport alaŋdaryn jöndeu jäne ornatu üşın 129 ötınım berdı, onyŋ ışınde 18 joba aldyn ala ırıkteldı. Jalpy, baǧdarlama şeŋberınde Aumaq abattandyrylyp, jaŋaşa türlenedı. Baǧdarlamanyŋ erekşelıgı sol – kez kelgen jūmys bastalmas būryn, aldymen är tūrǧynnyŋ sūrauy eskerıledı, tılegı tyŋdalady.
Ūqsas jaŋalyqtar
