Qazaqstannyń shalǵaı eldimekenderiniń 80 000 astam turǵynyna tegin medıınalyq kómek kórsetildi

3346
Adyrna.kz Telegram

Búgin 6 aı boıy shalǵaı eldimekenderdi aralap, halyqqa tegin medıınalyq kómek kórsetken «Medıınalyq poıyzdar» qaıyrymdylyq jobasynyń aıaqtalýyna baılanysty baspasóz máslıhaty ótti.

Jobany «Samuryq-Qazyna» AQ kompanııalar tobynyń atynan «Samruk-Kazyna Trust» áleýmettik jobalardy damytý qory QR Densaýlyq saqtaý mınıstrliginiń qatysýymen, «Qazaqstan Temir Joly» UK AQ» janyndaǵy «Áleýmettik jobalar qory» korporatıvtik qorymen birlesip iske asyrdy.

Esterińizge sala keteıik, «Medıınalyq poıyzdar» jobasynyń basty maqsaty – elimizdegi sapaly medıınalyq qyzmetke qol jetkize almaı otyrǵan, shalǵaıda jatqan stanııalar men olarǵa jaqyn ornalasqan eldimekenderdiń turǵyndaryn tegin medıınalyq tekserýden ótkizý.

Bıyl Qazaqstannyń shalǵaı beketterinde zamanaýı dıagnostıkalyq jabdyqtar ornatylǵan «Salamatty Qazaqstan» jáne «Járdem» medıınalyq poıyzdarynyń mamandary kómek kórsetti. Medıınalyq poıyzdar búkil Qazaqstandy aralady: «Járdem» – Qyzylorda, Batys Qazaqstan, Aqtóbe, Atyraý, Mańǵystaý, Túrkistan, Jambyl oblystaryna; «Salamatty Qazaqstan» Almaty, Jetisý, Abaı, Shyǵys Qazaqstan, Pavlodar, Soltústik Qazaqstan, Aqmola, Qostanaı jáne Qaraǵandy men Ulytaý oblystaryna bardy. 6 aıda poıyz mamandary 147 bekettin turǵyndaryn demalyssyz qabyldady.  Jumys barysynda barlyǵy Qazaqstannyń 80 649 turǵynyna emdeý-konsýltaııalyq qyzmet kórsetilip, onyń ishinde 21 867 bala qaraldy. 5 097  shaǵyn hırýrgııalyq operaııa jasalyp, 26 587 adamǵa stomatologııalyq kómek kórsetildi. «Járdem» medıınalyq poıyz mamandary 59 bala súndetteldi. Medıınalyq poıyzdarda barlyǵy 389 388 dárigerlik qabyldaý boldy. Joldyń jalpy uzyndyǵy – 22 009 shaqyrym.

Salystyra ketsek, pandemııaǵa deıingi 2019 jyly jobaǵa qatysqan mamandar 273 eldimekendi aralap, 63 000-nan asa turǵynǵa  medıınalyq kómek kórsetti. Al dárigerlerge qaralýdyń jalpy sany 209 249-dy qurady.

            «Jalpy «Samruk-Kazyna Trust» qorynyń 2022 jylǵa arnalǵan qaıyrymdylyq bıýdjeti 10 mlrd teńgeni quraıdy. Onyń ishinde 9 aıda 7,1 mlrd teńge ıgerildi. Bul rette el boıynsha 44 joba iske asyrylýda, onyń 30-y bıyl Qamqorshylyq keńestiń maquldaýyna ıe boldy. Sol jobalardyń biri – «Medıınalyq poıyzdar». Bizdiń Qor 760 mıllıon teńgege jýyq qarjyǵa qyzmetin tolyq qamtamasyz etken jobanyń arqasynda shalǵaıda ornalasqan eldimeken turǵyndaryna tegin medıınalyq kómek kórsetildi. Biz úshin bul jobanyń mańyzy zor. Óıtkeni osynyń arqasynda halyq densaýlyǵyn jaqsartýǵa, alys aýdandar men aýyl turǵyndaryna qajet qyzmet túrlerin qoljetimdi etýge múmkindik týdy. Men poıyz ujymdaryna, ondaǵy dárigerlerge alǵysymdy bildirgim kelip otyr. Aqjoltaı quramnyń arqasynda kóptegen el turǵyndary tegin ári sapaly medıınalyq kómek alyp, ómir súrý sapasy joǵarylaýda», – dep atap ótti «Samruk-Kazyna Trust» áleýmettik jobalardy damytý qorynyń bas dırektory Alfııa Adıeva.

Dárigerlerdiń aıtýynsha, turǵyndardy tekserý kezinde qant dıabeti, glaýkoma, lıpoma, artroz, sozylmaly holeıstıt, sozylmaly pankreatıt, allergııalyq dermatıt aýrýlary keńinen taralǵany baıqalǵan. Onkologııalyq aýrýlardan bólek, taǵy jıi kezdesetin derttiń biri – ınsýlt. Turǵyndardyń arasynda nevropatolog, hırýrg, kóz, qulaq jáne muryn  dárigerlerine suranys kóp boldy.

«Eldi aralap júrgen kezde ártúrli jaǵdaıǵa tap bolamyz. Kóbine alys jatqan eldimekenderde dertti der kezinde anyqtaıtyn arnaıy medıınalyq qurylǵylar bolmaı jatady, sondaı-aq maman tapshylyǵy da bar. Mysaly, Batys Qazaqstanda bolǵanymyzda 76 adamnan týberkýlez derti anyqtaldy. Sondaı-aq №10 razezde qıyn jaǵdaıǵa túsken sábıge kómek kórsetildi. Aýyr dárejedegi kúıik dıagnozymen (teri transplantaııasy) túsken bir jarym jastaǵy balaǵa kórsetilgen staıonarlyq emdeýden keıin poıyz dárigerleri kúrdeli tańý júrgizdi. Odan bólek Begimbet stanııasynyń 90 jasar turǵyny Shaıken Baqytjanovanyń úıine baryp, ekinshi ret tekserý júrgizdik. 2019 jylǵy sapar kezinde em-dom júrgizgenbiz. Bıyl kelgenimizdi estip, qyzy habarlasyp, anasynyń densaýlyǵyn tekserip berýdi surady.  Biz óz kezegimizde analız alyp, naýqastyń júregin tekserdik. Rıza bolǵan keıýananyń aq batasyn da aldyq», - dep erekshe oqıǵalarmen bólisti «Járdem» poıyzynyń bas dárigeri Aınur Eginbaeva.

Elimizdiń soltústik, shyǵys, ortalyq óńirlerin aralaǵan «Salamatty Qazaqstan» dárigerleri de jumys barysynda ártúrli oqıǵalarǵa tap bolǵan. Máselen, Pavlodar oblysy Maraldy stanııasynyń turǵynynda óte sırek kezdesetin dıagnoz – dekstrokardııa bar ekenin poıyz mamandary anyqtaǵan. Bul degenimiz, naýqastyń júregi oń jaǵynda ornalasqan. Árıne, mundaı jaǵdaıda em taǵaıyndalmaıdy, biraq bul aqparatty 47 jasar turǵyn medıınalyq poıyzda tekserý kezinde alǵash ret bilgen. Sondaı-aq Soltústik Qazaqstanda 22 jasar qyzda «ehınokokkoz» derti anyqtalyp, mamandar naýqasty ota jasatýǵa jibergen.

Medıınalyq poıyzdar mamandarynyń kómegin alǵan taǵy bir qazaqstandyq -  Gúzál Muhamed. Ózi Shymkent qalasynyń týmasy bolǵanymen, dárigerler qabyldaýyna Atyraýda kelgen.

«Men jazda qydyryp, Atyraýdaǵy Muqyr stanııasyna bardym. Sol jaqtaǵy tanystarymnan «Járdem» poıyzynyń kelgenin estidim. Kenetten ishim aýyryp, qatty mazamdy aldy. Sodan birden poıyz mamandaryna bardym. Poıyzda ÝDZ-ǵa túsirip, analız tapsyrdym. Jedel túrde hırýrg «soqyrishek» dıagnozyn qoıyp, oblystyq emhanaǵa poıyz mamandary alyp bardy. Ol jerde de meniń dıagnozymdy rastap, birden ota jasady. Dárigerlerge, uıymdastyrýshylarǵa alǵysym sheksiz», - dep óz rızashylyǵyn bildirdi ol.

Joba alǵash ret 2010 jyly iske qosylyp, 2019 jylǵa deıin jyl saıyn iske asyrylyp keldi de, koronavırýs indeti kezinde úzilis aldy. Osy kezeń ishinde «Densaýlyq», «Járdem» jáne «Salamatty Qazaqstan» atty úsh konsýltaııalyq-dıagnostıkalyq poıyz Qazaqstannyń shalǵaıda ornalasqan 1870 eldimekenin aralap, 569 530  turǵyn tekserýden ótti. 17 078 shaǵyn hırýrgııalyq operaııa jasalyp, 148 546 adamǵa stomatologııalyq kómek kórsetildi.

Pikirler