Ulytaý oblysynyń áleýmettik-ekonomıkalyq damýynyń 2022-2026 jyldarǵa arnalǵan keshendi jospary qabyldandy. Jospary 9 baǵyt boıynsha is-sharalar keshenin qamtıdy. Igi bastamany Ulytaý oblysynyń ákimi Berik Ábdiǵalıuly habarlady.
Ult uıasyna aınalǵan Ulytaý oblysy jandanyp, jańaratyn bolady. Aımaqty damytý men qyzý tirliktiń oshaǵyna aınalý josparyn oblys ákimi Berik Ábdiǵalıuly baıan etti.
"Qurmetti jerlester!Jańa ǵana QR Úkimet otyrysynda Ulytaý oblysynyń áleýmettik-ekonomıkalyq damýynyń 2022-2026 jyldarǵa arnalǵan keshendi jospary maquldandy. Bul mańyzdy qujattyń qabyldanýy - Memleket basshysy Qasym-Jomart Toqaevtyń qoldaýy jáne bizdiń 4 aıdan astam eńbegimizdiń nátıjesi dep qabyldaımyn. Ulytaý oblysynyń áleýmettik-ekonomıkalyq damýynyń 2022-2026 jyldarǵa arnalǵan keshendi jospary 9 baǵyt boıynsha is-sharalar keshenin qamtıdy. Olardyń ishinde ındýstrııalyq-ınnovaııalyq damý, mıneraldyq-shıkizat bazasyn keńeıtý, kásipkerlikti damytý, agroónerkásiptik keshen, turǵyn úı-kommýnaldyq sharýashylyq, kólik ınfraqurylymy, áleýmettik ınfraqurylym jáne t. b. Oblys ákimdigi osy qujatqa qosymsha Qazaqstan Respýblıkasynyń memlekettik baǵdarlamalary men ulttyq jobalaryna engizilgen barlyq is-sharany kózdeıtin keńeıtilgen Damý baǵdarlamasyn ázirledi", - dep súıinshiledi ákim.
Sonymen qatar, oblys basshysy keshendi damý josparynyń qarjylyq quny men ekonomıkalyq aýqymdylyǵyn tápsirlep túsindirdi.
"Jalpy, bes jyldyq kezeńdegi ınvestıııalardyń jalpy kólemi 1,8 trln. teńge. Onyń ishinde respýblıkalyq bıýdjetten 351 mlrd. teńge, jergilikti bıýdjetten – 147 mlrd. teńge bólinedi, jeke ınvestıııalar 1,3 trln. teńgeni quraıdy. Ulytaý oblysynyń ındýstrııalyq-ınnovaııalyq damýy ónerkásiptik reagent shyǵarý jónindegi hımııa zaýytynyń qurylysyn, munaı óńdeý zaýytyn, qara mys konentrattaryn óndirý zaýytyn, Jezqazǵan mys balqytý zaýytynyń jańa kúkirt qyshqyly ehyn jáne t.b. iske qosýdy qamtıdy. Jalpy, 3 myń jańa jumys oryndaryn qurýmen 787 mlrd. teńge somasyna 16 jobany iske asyrý josparlanýda.Óńirde mıneraldyq-shıkizat bazasyn keńeıtý aıasynda geologııalyq klaster salynyp, 9 ken ornyna geologııalyq barlaý jumystary júrgiziledi. Investıııalardyń jalpy kólemi 20 mlrd. teńgeni quraıdy. Agroónerkásiptik keshen salasynda et óńdeý jáne sút óńdeý zaýyttaryn salý, qus eti men jumyrtqa óndirý keshenin iske qosý, un tartý keshenin jańǵyrtý sııaqty t.b. 11 ınvestıııalyq joba iske asyrylatyn bolady. Sala ınvestıııalarynyń jalpy kólemi 45 mlrd. teńgeden asady, - dedi Berik Ábdiǵalıuly.
Oblys aýmaǵynda áleýmettik nysandar salýǵa da aıryqsha kóńil bólingen. Oblys ákiminiń aıtýynsha, jaqyn jyldarda qoǵamnyń qajetin óteý úshin san-calaly ǵımarattar boı kóteredi.
"Áleýmettik salada 47 jańa nysan salynady. Olardyń ishinde Jezqazǵan qalasyndaǵy perınataldyq ortalyq, Jańaarqa jáne Ulytaý aýdandaryndaǵy 14 feldsherlik-akýsherlik pýnkt, 9 mektep, 4 oqýshylar saraıy, 5 balabaqsha, 10 sport nysany jáne basqalary bar. Sondaı-aq, 27 bilim berý jáne densaýlyq saqtaý nysandary jóndeledi. Barlyq is-sharalardyń jalpy somasy 94 mlrd.teńgeden asady. "Eńbek" fýtbol klýby jandanyp, "Arystan" balalar hokkeı mektebi ashylady. 2023 jyldyń 1 qyrkúıeginen bastap jańa Ulytaý memlekettik tehnıkalyq ýnıversıtetine stýdentterdi qabyldaý josparlanýda. Halyq sanynyń ósýin eskere otyryp, Jezqazǵan qalasynda 60 úıdi nemese 1800-ge jýyq páterdi qamtıtyn úsh jańa shaǵyn aýdan salynady. Jeke turǵyn úı qurylysyna 1 myń ýchaske bólinedi. Sondaı – aq, Jezqazǵan qalasyndaǵy 26 apatty úıdi jáne Sátbaev qalasyndaǵy 20 apatty úıdi jańartý jumystary júrgiziledi. Atalǵan is-sharalarǵa 62 mlrd.teńgeden astam qarajat baǵyttalady".
Sonymen qatar, Ulytaý oblysyn damytýdyń keshendi baǵdarynda turǵyn úı-kommýnaldyq sharýashylyqty jańǵyrtý, sýmen jabdyqtaý, Sátbaev qalasynyń turǵyndaryn jylýmen qamtamasyz etý, elektr energııasyn óndirý, zamanaýı bý-gaz qondyrǵysyn salý sekildi jańa bastamalar qarastyrylǵan.
"Budan basqa, óńirdiń gaz ınfraqurylymyn damytý jobasyn iske asyrý úshin 34 mlrd.teńgeden astam qarajat bólinedi. Jalpy somasy 264 mlrd.teńgege 227 km oblystyq avtojoldar jáne 118 km qalaishilik jáne kentishilik joldar salynady, qaıta jóndeledi jáne jóndeledi. Týrızm salasyn damytýǵa 1,5 mlrd. teńge baǵyttaý kózdelgen... Iske sát!" - dep jazdy Ulytaý óńiriniń basshysy.
"Adyrna" ulttyq portaly
