Bir top depýtat prokýratýraǵa qazaq tilinde jaýap berý “mádenıettiń kórinisi emes” dep aıtqan Chocolife kompanııasynyń dırektory Ramıl Mýhorıapovtyń ústinen shaǵym túsirdi. Bul týraly Edil Jańbyrshın aıtty, dep habarlaıdy «Adyrna» tilshisi.
«Tilsiz ult bolmaıdy! Qazaqstan quqyqtyq memleket jáne onyń ár bir azamaty elimizdiń Konstıtýııasyn jáne onyń zańdaryn múltiksiz oryndaýǵa mindetti. Memleketimizdiń rámizderine qatysty jáne onda turyp jatyrǵan azamattardyń dinı kózqarasyna, násiline, jeke basyna jáne ar-namysyna tıetin zań buzýshylyqtarǵa jol berilmeýi kerek.
Ulty úshin kúresken tulǵalardy ádeıi qoldan jasalǵan "ultshyl" degen sóz taýyp alyp, sol tańbamen jala jaýyp, otarshyl elder bizdi qurtýǵa eńbektendi.
Eger men óz ultymnyń dinin, tilin, salt-dástúrin, ádet-ǵurpyn qorǵasam, ol "ultshyldyq" emes! Ol — ultymdy joıylýdan qorǵaý! Mysaly franýz, aǵylshyn, ıspan, orys, qytaı, evreı, nemis óz tilin jáne dástúrin qorǵasa "ultshyl" emes, al qazaq qazaqshylyǵyn, tilin dástúrin qorǵasa "ultshyl" ma?! Olar ustanyp otyrǵan prınıpterdi, bizderde ustanýǵa quqylymyz! Eshkim eshkimnen ústem emes, eshkim eshkimnen kem emes!
Biraq eskeretin bir jaıt bar! Zań buzýshylarǵa tek zań aıasynda shara qoldanýymyz kerek! Áıtpese olardan aıyrmashylyǵymyz qandaı? Al eger zań solqyldaq bolsa, onda ony qaıta qaraý kerek. Qoǵamdaǵy qazirgi týyndap otyrǵan jaǵdaılar memleket tildiń mártebesi týraly zań qabyldaýdyń ýaqyty kelgenin de kórsetip otyr.
Qazaqstannyń memlekettik tilinde sóıleýdiń "mádenıetsizdik" ekenin aıtyp, qoǵamda daý týǵyzǵan R. Mýhorıapovqa zań aıasynda shara qoldaný jónindegi depýtattyq saýaldy, Májilistegi "Jańa Qazaqstan" depýtattyq tobynyń birneshe múshesi qol qoıyp, Qazaqstan Respýblıkasynyń Bas prokýrory Berik Asylov myrzaǵa joldady»,—dedi ol.
