Qoǧam belsendılerı özderınıŋ äleumettık jelılerı arqyly almatylyqtardy sailau nauqanynyŋ barysy men Qazaqstan Respublikasy Prezidentı sailauynyŋ ötkızılu ürdısın baqylauǧa qatysuǧa şaqyrdy. Būl turaly jurnalisterge qor belsendısı, qoǧam qairatkerı, Independ Digital Agency basşysy Rafael Gasanov aitty, dep habarlaidy "Adyrna" tılşısı.
Belsendınıŋ aituynşa, qazırdıŋ özınde 100 azamat baqylauşy boluǧa niet bıldırgen.
– Baqylau ürdısın jürgızu üşın ädette bızge 500-600-dei adam qosylady, ötken referendumda da, ötken Mäjılıs sailauynda da solai boldy, būl joly baqylauşylar odan kem bolmaidy dep senemız, – dedı qoǧam qairatkerı.Rafael Gasanov mälımdegendei, jaqyn arada baqylauşylar mektebı öz jūmysyn bastamaq, belsendıler onyŋ aşylǧany turaly äleumettık jelılerdegı paraqşalarynda habarlaidy. Därısker retınde sailau uchaskelerınde jūmys täjıribesı bar volonterler qatysady. Erıktılermen qosa zaŋgerler de şaqyrylady, olar bolaşaq baiqauşylardy sailau zaŋnamasynyŋ negızderımen tanystyrady. Barlyq belsendıler anyqtamalyq ädebiettermen, atap aitqanda, «baqylauşy däpterımen» qamtamasyz etıledı, būl olarǧa sailau uchaskelerı men sailau barysyn monitoringıleu men baqylau kezınde qūqyqtyq resurs retınde qajet bolady. Rafael Gasanov tūjyrymdaǧandai, «Qoǧamdyq pıkır» qorynyŋ baqylauşylary sailau uchaskelerınıŋ sailauǧa daiyndyǧyn, atap aitqanda, olardyŋ qajettı qūral-jabdyqtarmen jäne erekşe qajettılıkterı bar adamdar üşın infraqūrylymmen qamtamasyz etıluın tekseredı. Sailau künı sailau uchaskelerıne baiqauşylar bekıtılıp, olar monitoring jürgızıp, sailau barysyn baqylaidy. Sondai-aq qoǧamdyq belsendıler sapynan mobildı toptar qūrylady. Olar dauly mäseleler, zaŋ talaptarynyŋ saqtaluy, dauys beru erejelerı boiynşa sūraqtar tuyndaǧan jaǧdaida jedel türde sailau uchaskelerıne barady. Sailau künı qoǧamdyq belsendıler jarty saǧat saiyn sailau nauqany barysy turaly esep daiyndaidy. Olar öŋırlerdegı ökıldermen onlain rejimde pıkır, derek almasady, būl bükıl eldegı dauys beru barysyna taldau jasauǧa mümkındık beredı. Rafael Gasanov būl jūmystardyŋ qorytyndysy boiynşa qoǧamdyq belsendıler arnaiy qarar daiyndaitynyn aitty. Būl qūjatta olar özderınıŋ barlyq baqylau jūmystarynyŋ nätijelerın körsetedı. Qarar OSK-ǧa jıberıledı. Brifingte Rafael Gasanovpen qatar basqa da qoǧamdyq belsendıler – jurnalist, bloger, «Anyq Time» telebaǧdarlamasynyŋ jürgızuşısı Maqsat Mamadiiarov jäne t.b. söz söiledı. Olar kämelettık jasqa tolǧan jastardy baqylau prosesıne belsendı qatysuǧa şaqyrdy.
Ūqsas jaŋalyqtar
