25 qazan – Respýblıka kúni merekesine oraı Aqsaı qalasynyń Bórli aýdanynda Aqjaıyq, Báıterek, Bórli, Qaztalov, Syrym, Tasqala, Shyńǵyrlaý aýdandarynyń sportshylary men Oral qalasynan komandalary arasynda voleıboldan Batys Qazaqstan oblysynyń kúzgi chempıonaty óz máresine jetti.
Voleıboldy odan ári damytý jáne tanymal etý, salaýatty ómir salty qaǵıdattaryn qalyptastyrý, basqa qalalar men oblystardyń federaııalarymen yntymaqtastyqty nyǵaıtý, sportshylardyń kásibı sheberlik deńgeıin arttyrý, ulttyq quramaǵa myqtylardy anyqtaý maqsatynda ótken jarysqa 130-dan asa jasóspirim qatysty.
Batys Qazaqstan oblysynyń kúzgi chempıonaty nátıjesinde 2011-2012 jyly týǵan jasóspirimder arasyndabirinshi oryndy Oral qalasy komandasy utyp alsa, ekinshi oryndy Aqjaıyq aýdany, úshinshi oryndy Bórli aýdany komandalary bólisti. 2009-2010 jyly týǵan jasóspirimder arasynda da oraldyqtarǵa eshkim teń kelmedi. Ekinshi oryndy oryn Bórli aýdany, úshinshi oryndy Shyńǵyrlaý aýdany komandalary ıelendi. Al 2007-2008 jyly týǵan jasóspirimder arasynda da Oral qalasy komandalary qarsylastaryn shań qaptyrdy.
Jeńimpazdar men júldegerler Batys Kazaqstan oblysynyń dene shynyqtyrý jáne sport basqarmasynyń dıplomdarymen, medaldarymen jáne kýboktarymen marapattaldy.
