Elimizde «DALA DAUYSY» respýblıkalyq konkýrsy jarııalandy. Bul týraly Mádenıet jáne sport mınıstri Dáýren Abaev óziniń feısbýk paraqshasynda habarlady, dep jazady "Adyrna" ulttyq portaly.
"Qaı dáýirdi alyp qaramaıyq, óziniń únin, beınesin, shejiresin mindetti túrde tarıh jylnamalaryna jazyp qaldyrady. Ár halyq óziniń óneri men tilin, ulttyq mýzykasy men ádebıetin órkendetý arqyly jas urpaqqa jol nusqaıdy. Bul qadam qazirgideı jahandaný jaǵdaıynda tipti erekshe mánge ıe", - dep habarlady Dáýren Abaev.
Ulttyq qundylyqtarymyzdy ulyqtap, jańa óner týyndylary avtorlaryn qoldaýǵa baǵyttalǵan «DALA DAUYSY» respýblıkalyq konkýrsyn jarııaladyq.
"Jalpy qory 46 mln teńgeni quraıtyn konkýrs negizgi úlken 5 nomınaııa boıynsha 16 syılyqty qamtıdy. Onyń ishindegi, «25 qazan – Respýblıka kúni» ulttyq merekesin ónerpazdarymyz shyǵarmashylyqtaryna arqaý etý úshin arnaıy taǵaıyndalǵan «Respýblıka áni» (estrada janry boıynsha patrıottyq ánder) nomınaııasyn erekshe atap ketýimizge bolady", - dep jazdy mınıstr.
Sonymen:
«Úzdik folklorlyq mýzyka»;
«Úzdik klassıkalyq mýzyka»;
«Úzdik dramatýrgııalyq týyndy»;
«Úzdik mýzykalyq-teatrlyq janr týyndysy»;
«Respýblıka áni» (Estrada janry);
Mádenıet jáne sport mınıstrliginiń 2 arnaıy júldesi.
"Jańa avtordy elge tanytýǵa, tyń týyndylardyń kópshikke taralýyna, patrıottyq ánderdiń keńinen nasıhattalýyna serpin beretin konkýrs shyǵarmashylyq ıelerin beı-jaı qaldyrmaıdy dep senemiz. Ónerpazdarymyz báıgege attaryn qosyp, baqtaryn synaıtyn, jeńimpazdar qomaqty júldemen marapattalatyn jańa jobany birge qoldaıyq!", - deıdi Abaev.
Konkýrs týraly tolyq aqparat Q.Qýanyshbaev atyndaǵy memlekettik akademııalyq qazaq mýzykalyq-drama teatrynyń www.kaztheatre.kz saıtynda kórsetilgen. Ótinimder 15 qazan men 15 qarasha aralyǵynda qabyldanyp, syılyqty tapsyrý kezeńi jeltoqsan aıyna josparlanyp otyr.
"Adyrna" ulttyq portaly
