Jetısu oblysynyŋ Aqsu audanyndaǧy ortalyq auruhanada jūmys ısteitın 727 qyzmetkerge üş aidan berı ne zeinetaqy, ne äleumettık, ne medisinalyq jarna tölenbegen. Mūny bas därıgerdıŋ özı de moiyndap otyr. Būl turaly “İnformbiuro” baǧdarlamasy jariialady, dep habarlaidy “Adyrna” ūlttyq portaly.
Bas därıgerdıŋ sözınşe, osyndai amalǧa biudjet jetıspegenınen amalsyz barǧan. Al auruhana qyzmetkerlerı ailyqtyŋ özın bölıp-jaryp beredı dep aşynyp otyr.
“Mysaly, ailyǧymyzdyŋ 70%-yn ǧana alyp jatyrmyz ǧoi, bız qyrküiek aiynıkın aldyq. Sondaǧy mausym aiynan bastap zeineaqy qoryna jäne özge tölemder nege tüspedı? Sony bılgımız keledı. Ol aqşa jalaqydan bölındı ǧoi, nege tüspei jatyr bızdıŋ aqşa?! Ailyǧymyz bızdıŋ 156 myŋ”, – dedı Aqsu audandyq ortalyq auruhanasynyŋ medbikesı Rauşan Qazieva.
Aqsu audandyq auruhanasynda qyzmetkerler ekıge bölıngen. Bırı jaŋadan kelgen bas därıgerdı qoldasa, ekınşı tarap qarsy. Jaŋa basşyny qoldamaityndardyŋ basym bölıgı orta, kışı buyndaǧy qyzmetkerler. Basty mäselenı köterıp otyrǧan da osylar.
“Mende eşqandai özgerıs joq, qosylǧan bır stavka, stavka. Taǧy 32% dep 2020 da aitqan, saty boiynşa 2021, 2022, 2023-te qosylady. Bıraq eşqandai özgerıs körıp otyrǧan joqpyn”, – dep qosty Aqsu audandyq ortalyq auruhanasynyŋ medbikesı Alma Saduaqasova.
Al Aqsu audandyq auruhanasynyŋ bas därıgerı 2019 jyldan bügıngı künge deiın därıger, medbike, tazalyqşylardyŋ ailyǧy qanşaǧa öskenın körsetıp berdı. Bergen qūjatynda körsetılgen sandarǧa säikes 2019 jyly därıgerdıŋ ailyǧy – 195 myŋ teŋge bolsa, qazır olardyŋ ailyǧy – 443 myŋ. Medbikelerdıkı 158 myŋnan 245 myŋǧa deiın, al tazalyqşylar 52 myŋnan, 89 myŋ teŋgege deiın ailyq alady. Onyŋ üstıne barlyq medisina qyzmetkerıne kezekşılıgı üşın taǧy qarajat qosylady dedı. Tıptı 700 myŋ teŋgeden joǧary ailyq alatyn därıgerler de bar dep jetkızdı.
Al auruhananyŋ bas därıgerı qarjylyq mäselenıŋ baryn rastaidy. Bıraq jaǧdaidy retteuge barynşa tyrysyp jatqanyn aitady.
“Bızde soŋǧy kezde qardy mäselesı öte köp. Ony aqyryndap şeşıp jatyrmyz. Bız barlyq joǧarǧy qūzyrly organdarǧa hat jazyp, rettep jatyrmyz. Sondyqtan qazır bölıngen aqşa zarplata beruge äreŋ jetıp jatyr. Bükıl audandyq auruhanada ısteitın qyzmetkerlerde osy problema”, – dep mälımdedı Aqsu audandyq ortalyq auruhananyŋ bas därıgerı Saltanat Myqtybaeva.
Sondai-aq auruhanada 17 zeinetke şyqqan därıger jūmys ısteude. Olardy qysqartpasaq taǧy bolmaidy, deidı. Sebebı zeinet jasyna kelgen jandar kompiuterdıŋ pernetaqtasyn de jöndep basa almaidy deidı bas därıger. Al ailyqtary berılıp, bıraq zeinetaqy, äleumettık, medisinalyq jarnasy tölenbegen qyzmetkerlerdıŋ tölemderı ekı aidyŋ kölemınde şeşıledı dep sendırdı.
”Adyrna” ūlttyq portaly
