Nazarbaev Zııatkerlik mektepterinde ulttyq «Toǵyzqumalaq» sporttyq jarys ótti. 94 sportshy baqtaryn synady. Taldyqorǵan qalasyndaǵy Nazarbaev Zııatkerlik mektebiniń bastaýysh synyp oqýshylary komandalyq eseppen jeńimpaz atandy.
Zııatkerlik mektebiniń namysyn 4-12 synyp oqýshylary qorǵady. Eń jas qatysýshy 4-synyp oqýshysy Aınel Qaırat.
Ótken jyly jelilik týrnırdiń qorytyndysy boıynsha Aınel 2 oryndy jeńip aldy, bıyl da 2 oryndy ıelendi.
6-synyp oqýshysy Abylaıhan Tynyshtyqbaı úshin toǵyzqumalaq – salmaqty sport túri. Óıtkeni, ol zııatkerlik oıynmen mektepte ǵana emes, úıirmege de qatysady. Abylaıhan 2019 jyly jelilik týrnırdegi alǵashqy jeńisine qol jetkizdi. Osy jolyda Abylaıhan 1 oryn alyp, jeńimpaz atanyp otyr.
Mekteptegi toǵyzqumalaqtan bapkerimniń arqasynda sportta ǵana emes, matematıkadan da jaqsy jetistikterge jetip júrmin. Úsh jyl boıy tipti qalalyq, oblystyq baıqaýlarǵa da qatysa aldym. Jeńiske jetken saıyn ózimdi senimdirek, kúshti sezinemin, - deıdi 6-synyp oqýshysy Abylaıhana Tynyshtyqbaı óz suhbatynda.
7-synyp oqýshysy Ińkár Muratbekqyzy alǵash ret baǵyn synap otyr.
Ińkár qazaqtyń ulttyq oıyny «Toǵyzqumalaqpen» 7 jasynan bastap aınalysa bastaǵan. Jetistikter qazynasynda oblystyq, qalalyq baıqaýlarda júldeli oryndar bar.
Toǵyzqumalaq – jaı ǵana hobbı emes, ol – matematıka, tez sanaý, sheshim qabyldaý daǵdysy. Osynyń bári sabaqta ǵana emes, kúndelikti ómirde de kómegin tıgizedi, – deıdi 7-synyp oqýshysy Ińkár Muratbekqyzy.
Oıyn shveıarııalyq júıe boıynsha jeti týrdan turdy, qatysýshylar jekeleı de, komandalyq jarysta da baq synasty.
Búgin úsh kúnge sozylǵan toǵyzqumalaq spartakıadasy óz máresine jetti.
Tóreshiler komıssııasynda qazylar alqasynyń biri Taldyqorǵan sport mektebiniń toǵyzqumalaq bóliminiń jattyqtyrýshysy Baýyrjan Shýrın otyrdy.
Ulttyq oıyndar – bizdiń qasıetti baılyǵymyz. Qazaqtyń ulttyq sportynyń qaı túri bolmasyn jastardy tózimdilik pen sheberlikke, batyldyqqa, eń bastysy ulttyq mádenıetke degen súıispenshilikke, patrıottyq sezimge tárbıeleýge baǵyttalǵanyn ańǵarý qıyn emes. Degenmen, búginde biz ulttyq oıyndardyń onsyz da tanymal tehnologııalyq kompıýterlik oıyndardy yǵystyra bastaǵanyn baıqaýǵa májbúrmiz. Jyl saıyn júzdegen jas zııaly qaýym qatysatyn NZM-de toǵyzqumalaq spartakıadasy dástúrli is-sharaǵa aınalǵany meni qatty qýantady», - deıdi qazylar alqasynyń múshesi Baýyrjan Shýrın.
