Jańaózen qalasyndaǵy №21 orta mektepten oqýshylarǵa qaýip tónip tur. Bul týraly “Adyrna” ulttyq portalyna oqyrman hat joldady.
Aıtýynsha, mektep qabyrǵalary qaq aırylyp, jarylyp jatyr.
“Myna mektep astyńǵy jaǵynan qulap jatyr, al ákimshiliktiń keshe ǵana qabyldanǵan sarapshylar oqýshylar oqýǵa bolady dep sheshipti. Myna kórinisti jaqsylap kórińizshi.. Eger sonda oqýshy balalar astynda qalyp ajal qushsa, kim kinásin kóteredi? Bıyl balalar jyly deısizder, biraq sol balalar osyndaı mektepte oqyp jatyr.. Ólip ketse ata-ana turmaq, el zar qaqsap qalmaı ma? Erteńgi bolashaq urpaq dep urandatasyzdar… Biraq sol bolashaq urpaqtyń jaǵdaıynyń tursy mynaý?!”,- dep jazdy oqyrman.
Qazir apattyq jaǵdaıdaǵy mektepte úsh aýysymmen 1200 bala oqıdy. Ata-analar mekteptiń kez-kelgen ýaqytta qulap túsip, balalar men ustazdar zardap shegýi múmkin degen úreıde.
Kóktemdegi nóser jaýynǵa tótep bere almaǵan mektep aldaǵy kúzdiń jaýynyna qalaı shydamaq?
