QR Eńbek jáne halyqty áleýmettik qorǵaý mınıstri Tamara Dúısenova sheteldegi qazaqtarǵa ashylǵan jańa múmkindikterdi baıandap, Qazaq kartasynyń erekshelikterin túsindirdi, dep habarlaıdy "Adyrna" ulttyq portaly.
Endigide sheteldegi etnıkalyq qazaqtar on jyl ýaqytsha Qazaqstanda tura alady. "Qazaq kartasy" atalatyn joba qandastardyń ejelgi tamyryn taýyp, tarıhı otanymen baılanysýy úshin daıyndalǵan. Bul kartanyń ıesi saıası quqyqtardy qospaǵanda, el turǵynnyń quqyǵymen birdeı bolatyn múmkindikterge ıe bolady. Ondaı múmkindikterge elge jeńildetilgen kirý quqyǵy (bıznes ashý, jyljymaıtyn múlikke jáne basqa múlikke ıelik etý, qarjylyq operaııalardy júrgizý) jatady.
«Qandastarymyz jóninde esh másele joq. Olardyń kelýi búgingi tańda qoldanystaǵy zańda tolyq qamtylǵan. Sonymen birge, shette júrgen, óz bıznesi bar, biraq elmen tarıhı baılanysta bolǵysy keletin etnıkalyq qazaqtar da bar. Sondyqtan "Qazaq kartasy" degen álemdik tájirıbede bar kartalardyń birin qoldanbaqshymyz. Ondaǵy negizgi túıin – eger sheteldegi etnıkalyq qazaq sol elde tura berem, biraq elime kelip, bıznes ashyp, óz elimniń damýyna úles qosam dese, olardyń kelip-ketýine tolyq múmkindik beriledi jáne jeńildetilgen vızalar beriledi, 10 jylǵa deıin ýaqytsha turý múmkindigin alady», - dedi mınıstr Ortalyq kommýnıkaııalar qyzmetinde ótken baspasóz máslıhatynda.
Odan bólek, bıylǵy QR Prezıdentiniń kezekti Joldaýynda elimizdiń kóshi-qon saıasatynyń tıimdiligin arttyrý boıynsha jańa sharalar paketi usynylǵany belgili.
