QR Aqparat jäne qoǧamdyq damu ministrı Darhan Qydyrälı Jänıbek Älıkennıŋ «Ünsızdık» qoiylymyna qatysty öz pıkırın bıldırdı, dep jazady "Adyrna" ūlttyq portaly.
"Bügın “Ünsızdık” qoiylymyn körıp, riza boldym. Muzykalyq jas körermen teatrynda ötken perfomans janryndaǧy qoiylymda boiamysyz ömırden alynǧan äleumettık, şynaiy şyndyq oilandyrdy. Jänıbek bız künde körıp, kuä bolyp jürgen, keibır keiıpkerlerın tanityn, bıraq etımız üirenıp ketken, söitıp ışımızdegı ünsızdıkke kömgen ainalamyzdaǧy aqiqatty bükpesız berıptı. Qoiylym sendırdı, öitkenı ol aqiqat pen aldamşy dünie arasynda adasqan, virtualdy älemge bailanǧan, tükke tūrǧysyz bırdeŋe üşın jüike jūqartyp, özara qyrqysqan, qūndylyqtary qūnsyzdanǧan qoǧam men adam turaly. Şynynda bız qatıgezdenıp baramyz. Kommunikasiia tılı de özgerıp kettı. “Ainalaiyn” degen söz ainalamyzda az aitylady. Qūbylǧan zamanda Qūbylamyzdan jaŋylyp qalmasaq igı. Qoiylymdy körıp otyryp osyndai oi jetegınde ketesıŋ. Avtoryn - Jänıbek bauyrymdy, rejisserdı, oiynşylardy qūttyqtaimyn jäne jastarǧa köruge keŋes beremın", - dep jazdy ministr özınıŋ feisbuk paraqşasynda.
"Adyrna" ūlttyq portaly
