Ⓒqamshy.kz
3 qyrküiek künı Akademiiada Qazaqtyŋ tūŋǧyş halyq ärtısı, käsıbi rejisserı, dramaturg Jūmat Şaninnıŋ nemeresı Janna Şaninamen eske alu kezdesuı öttı. Atalmyş şarany «Adyrna» ūlttyq-etnografiialyq bırlestıgı Almaty qalasy Işkı saiasat basqarmasynyŋ tapsyrysy aiasynda “Tarihtan taǧylym” jobasy negızınde ūiymdastyryldy. Biyl Jūmat Şaninnıŋ tuǧanyna 125 jyl toldy.
«Bız söz etkelı otyrǧan menıŋ atam Jūmat Şanin elınıŋ ruh keruenın bastaǧan bırtuar azamat edı. Ol «halyq jauy» degen jalamen ädıletsız saiasattyŋ qūrbany boldy. Eŋ auyr ökınış – halqyna adal qyzmet etken ūlyn – menıŋ atamdy «halyq jauy» degen jalamen bükıl äuletımız aiyptalyp, bırı oŋtüstıkke, bırı soltüstıkke bytyrai qaşqan. «Spektakldı 10 minutqa ädeiı keş bastady, Stalinge qastandyq jasamaq boldy» degen jala jabylyp, atylyp kettı. NKVD-nyŋ jendetterı «Şanin Jūmat, Säken Seifullin, Temırbek Jürgenov ädeiılep Mäskeude qoiǧan «Qyz Jıbek» spektaklınıŋ aşyluyn keşıktırdıŋder. Üşeuıŋ İ.V.Stalinge qasaqana qastandyq jasaǧylaryŋ kelgen eken ǧoi!» deptı. Olardy mäjbürlep «spektaklge keşıguımızdıŋ sebebı üşeuımız sol on minuttyŋ ışınde ekınşı qabatqa köterılıp, Stalindı atyp ketpekşı boldyq» dep «tüsınıkteme» jazdyrady... Artynşa Almatyda atu jazasyna kesıldı. Tek arada jiyrma jyl ötkende atamnyŋ ısı aqtalyp şyqty». Būl turaly jäne Şaninder äuletı jaily qoǧam qairatkerı, pedagog Janna Şanina ökınışpen eske aldy. Sondai-aq, ädebiettanuşy ǧalym Rymǧali Nūrǧalievtıŋ Ūly tūlǧanyŋ şyǧarmaşylyǧy men ömırı jaily jazylǧan «Arqalyq batyr» kıtaby jaily studentterge keŋınen äŋgımeledı. Aita ketu kerek, «Arqalyq batyr» pesasyn jazumen şektelmei, sahnalaǧan rejisserı de J.Şaninnyŋ özı boldy. Özı Arqalyq batyrdy somdai otyryp, käsıbi sahnanyŋ dämın tatpaǧan, el ışınen jinalǧan akterlerdı el arasynan jinady. Tıptı pesada er adamdar äieldıŋ keipın grimmen keltırıp äiel rölın oinap şyqqan kezde körermender qatty täntı bolǧanyn erekşe tebırenıspen aitty.
Tūlpardyŋ tūiaǧy, asyldyŋ synyǧy Janna Şanina ūzaq jyldar boiy mektepte ūstazdyq etuden bastap direktor qyzmetın atqaryp kelgen qoǧam qairatkerlerınıŋ qatarynda. Osynau qazaq önerıne ölşeusız üles qosqan ırı tūlǧanyŋ taǧylymyn studentterge önege tūtuǧa, qazaq önerın nasihattauǧa tılek bıldırdı. Bügınde esımı aqtalyp, qazaq elınıŋ ardaqty ūlyna ainaldy. Osy quanyşyn jasyra almaǧan apai türlı tättılermen şaşu şaşty.
Ⓒqamshy.kz
Ⓒqamshy.kz
