Shymkenttegi metallýrgter stadıony qaıta jańarýda. Ótken ǵasyrdyń 50-shi jyldary salynǵan sporttyq nysan osy kezge deıin jóndeý kórmegen, qazir qaıta jańǵyrýda.
Qurylys barysyn shahar basshysy M.Áıtenov arnaıy baryp, jumystardyń oryndalý barysyn tekserdi.
Joba boıynsha munda ákimshilik-turmystyq korpýs (ABK), sport zaldar, ashana, komandalyq oıyndarǵa arnalǵan sportzaldar, 62 orynǵa arnalǵan sportshylar úıi, 1504 orynǵa arnalǵan trıbýna, komandalyq kıim aýystyrý bólmesi, sporttyq trenajerler alańshasy, oıyndar alańshasy, keshende qoldanylatyn sporttyq tablo, sýmen jabdyqtaý sorǵysy, káriz sorǵy beketi salynýda.
Aýmaǵy 3 ga asa jerdi qamtıtyn nysannyń qurylysy 2020 jyldyń naýryzynda bastalǵan, búginge deıin birshama jumystar atqaryldy. Stadıon qurylysy kelesi jylǵa ótpeli.
