Reseıdegi Qyrym kópirinde jarylys boldy, dep habarlaıdy “Adyrna” ulttyq portaly RIA Novostıge silteme jasap.
Janarmaı ısternasynyń jarylýyna baılanysty vagondar men poıyzdar qozǵalysy toqtady. Jelide jarııalanǵan sýretterden órttiń temirjol boıynda bolǵanyn kórýge bolady
Aldyn ala málimet boıynsha, 8 qazan kúni saǵat 06:00 shamasynda Taman-Kerch baǵytynda kele jatqan júk poıyzynyń vagondarynyń biri órtengen. Keıin órt basqa ısternalarǵa taraǵan.
Oqıǵa ornynda jol qyzmeti men Tótenshe jaǵdaılar mınıstrligi jumys istep jatyr. Ázirge zardap shekkender týraly aqparat joq.
Apat saldarynan kópirdiń avtokólik bóliginiń aralyǵy opyrylyp túsken.
Reseılik BAQ Kerch qalasynda Qyrym kópirine jete almaıtyn kólikterdiń júrgizýshileri men jolaýshylaryna sýy men dárethanasy bar avtoturaq uıymdastyrylǵanyn jazady,
Aımaq bıligi jeńil kólikter úshin parom ótkelin uıymdastyrmaq.
Qyrym kópiri Reseıdegi eń uzyn kópir, onyń uzyndyǵy 19 shaqyrym. Avtokólik bóligi 2018 jyldyń mamyr aıynda paıdalanýǵa berildi. Al 2019 jyldyń jeltoqsan aıynda temirjol ýchaskesiniń boıymen alǵashqy poıyzdar legi ótken.
”Adyrna” ulttyq portaly
