Seuldegı oqiǧadan qaza tapqandardyŋ ışınde Qazaqstan azamaty bary anyqtaldy. QR Syrtqy ıster ministrlıgı mälımdedı, dep habarlaidy “Adyrna” ūlttyq portaly.
Qazaqstandyq diplomattar qaza tapqan azamattyŋ tuystarymen bailanysta, qūjattardy resımdeuge jäne mäiıttı Qazaqstanǧa odan ärı jetkızuge barlyq qajettı kömek körsetude. Aita keteiık, senbı künı Oŋtüstık Koreia astanasynda Hellouin merekesın toilau kezınde qalyŋ adam arasynda qysylyp qalyp, 151 adam qaza tapty. Koreianyŋ būqaralyq aqparat qūraldary jaraqat alǧan 100-ge juyq adam bar ekenın jazǧan edı.«Seul qalasynyŋ jedel ştaby men polisiiasynyŋ mälımetı boiynşa, İtaevon aimaǧyndaǧy qaiǧyly oqiǧadan zardap şekkenderdıŋ arasynda 1996 jyly tuǧan Qazaqstan Respublikasynyŋ azamaty, Aqtöbe oblysynyŋ tumasy bar. Ol Koreia Respublikasynyŋ joǧary oqu oryndarynyŋ bırınıŋ studentı bolǧan», - dep habarlaidy QR Syrtqy ıster ministrlıgınıŋ resmi Telegram-arnasy.
Ūqsas jaŋalyqtar
