Qaraǧandyda avtobus jol taiǧaqtyǧyna bailanysty jaiau jürgınşını qaǧyp kettı, dep habarlaidy «Adyrna» ūlttyq portaly.
Qaraǧandy oblysynyŋ Polisiia departamentı mälımetınşe aimaqta kürt salqyndau saldarynan ondaǧan jol-kölık oqiǧasy tırkelgen. Solardyŋ bırı adam ölımımen aiaqtaldy.
12 qazan künı saǧat keşkı jetı şamasynda Qaraǧandydaǧy Lipeskaia köşesınde 53 jastaǧy marşruttyq avtobus jürgızuşısı mūzǧa taiyp, 56 jastaǧy jaiau jürgınşını qaǧyp ketken. «Zardap şekken adam şūǧyl türde auruhanaǧa jetkızılgenımen, därıgerler bar küş-jıgerın salǧanyna qaramastan alǧan jaraqatynan köz jūmdy», - dep mälımdedı oblystyq polisiia departamentı.
Aimaqtaǧy aua raiynyŋ kürt naşarlauyna jäne jol qozǧalysy erejelerın būzuǧa bailanysty soŋǧy täulıkte barlyǧy 22 jol-kölık oqiǧasy tırkeldı.
Ūqsas jaŋalyqtar
