Almatyda Rýxanı kelisim kúnine arnalǵan keshendi is-shara ótti

2344
Adyrna.kz Telegram

Sonaý Saq, Ǵun, Kóne túrik qaǵandyqtarynyń sol zamandardaǵy dinı toleranttylyǵy jaıynda sheteldik jazba derekteri men arxeologııalyq materıaldar jetkilikti. Uly dalany kókteı ótken Uly Jibek jolyna qatysty arxeologııalyq materıaldar da bizdiń jerimizdiń túrli mádenı almasýlar men mıssıonerlik dinı aǵymdardyń toǵysýlar mekeni bolǵanyn aıǵaqtaıdy.

"Máńgilik el" ıdeıasyn tý etken Elbasymyz N.Á. Nazarbaev sol babalar salǵan dara joldyń jalǵasyndaı zaıyrly memlekettiń ustanymdaryn qalyptastyrdy. Elimizdegi barlyq din ókilderi teń.

Olardyń bir-birine degen ózara syılastyǵyn, bir jıynda bas qosyp pikir almasý mádenıetin qalyptastyrýy dinı radıkalızmniń aldyn alýdyń tıimdi joly.

Jaqynda Almaty qalasy Din isteri jónindegi basqarmasynyń qoldaýymen "Adyrna" ulttyq-etnografııalyq birlestiginiń uıymdastyrýymen Rýxanı kelisim kúnine arnalǵan keshendi is-shara ótti.

Is-sharany Almaty qalasy Din isteri jónindegi basqarma basshysy Aıdar Esenbekovjúrgizdi. El tutastyǵy men dinaralyq birlikti nyǵaıtýǵa, qazaq ultynyń mádenı qundylyqtaryn nasıxattaýǵa úles qosqan kisiler saltanatty túrde baǵaly syılyqtarmen, Almaty qalasy ákimdiginiń alǵys xattarymen marapattaldy.

Saltanatty is-sharanyń arnaıy qonaqtary sóz sóılep, pikir almasty.

Pastor Genadıı, evangelıstik lıýterandyq shirkeýi: Búgin shynynda da óte mańyzdy kún. Óz basym birneshe shet elderde boldym. Rýhanı kelisim kúni esh memlekette joq. Men bul sózimdi senimdi túrde aıtyp turmyn.

Mansýrov Kazbek Vladımırovıch: Men Almaty qalasyndaǵy Qazaqstan halqy Assambleıasynyń tóraǵasynyń orynbasarymyn. Ári Osetın etnomádenı birlestigin basqaramyn. Ultaralyq dostyq Qazaqstanda erekshe oryn alady. Bizdiń elimizde zań júzinde barlyq ulttardyń damýyna jaǵdaı jasalynǵan. Bul óte baǵa jetpes qundylyq ekenin túsinýimiz kerek.

Aleksandr Anatolevıch Sývorov, proıtereı, Qazaqstandaǵy pravoslavııalyq shirkeýdiń qoǵammen qatynasy bóliminiń tóraǵasy:  Qazaqstanda Rýhanı kelisim kúniniń bolýy óte mańyzdy. Bul Qazaqstanda ómir súrip jatqan ulttar men túrli dinı senimder ókilderiniń arasyndaǵy qarym-qatynasynyń ózindik ereksheligi bar modeli. Bizdiń bul jaǵynan alǵanda basqa memleketterge úlgi ekenin maqtanyshpen aıtýǵa bolady.

Shara aıasynda taqyryptyq kitap kórmesi uıymdastyryldy. Is-shara sońynda túrli din ókilderi men qoǵam qaıratkerleri Masanchy kóshesindegi gúlzarǵa shyrsha men qaıyń aǵashtaryn otyrǵyzý rásimine qatysty.

«Adyrna» ulttyq portaly

Pikirler