Qoǧam belsendısı, jurnalist Arman Şoraev Ukrainanyŋ "Freedom UA" telearnasynda Qazaqstanǧa qaşqyndardyŋ köptep keluıne bailanysty sūhbat berıp, pıkır bıldırdı, dep habarlaidy "Adyrna" ūlttyq portaly.
"Ökınışke qarai, Qazaqstannyŋ Reseimen şekarasy älemdegı eŋ ūzyn şekara sanalady. Barşaŋyzǧa belgılı, Reseide qazaq jerın özderıne tiesılı sanaityn azamattar bar. Bızdıŋ jerge köz tıgıp, ony özderınıŋ tarihi otany sanaidy. Ukrainadan keiın Qazaqstanǧa basyp kıremız degendı aitady. Eger, şynymen de, 3 künde Kievtı, 7 künde Ukrainany basyp alsa, kelesıde bızdıŋ Soltüstık Qazaqstanǧa baǧyt būratyn edı. Alaida, jürek jūtqan Ukraina sarbazdarynyŋ arqasynda bızdıŋ aspanymyz aşyq", - dedı Şoraev."Qazaqstanǧa kelgen reseilıkter özderınıŋ imperiialyq jalaŋ közqarastaryn tanyta bastady ma?" degen jurnalistıŋ saualyna Arman Şoraev:
" Äzırge ondai eşteŋe baiqalǧan joq. Bıraq Reseiden kelgenderdıŋ süiıktı ısı spirttık önımderdı ışu ekendıgı belgılı. Olar spirttık önımderdı dükennen alady da, el-jūrttyŋ közınşe ışıp otyra beredı. Būl bızdıŋ qoǧamǧa jat. Bızdıŋ bır bloger olarǧa "Qyrym kımge tiesılı?" degen saual qoidy. Olar būlǧaqtap, tülkıbūlaŋǧa salyp, Qyrym, Donbas, Lugansk degender Donbas, Lugansk respublikalaryna tiesılı dep jauap berıp jatty. Osylai ün-tünsız separatistık qadamdardy qoldaityny körınıp qalyp jatyr. Qazırgı Qazaqstan 2013 jylǧy Ukraina sekıldı. Basşylyqta da, äskerilerdıŋ arasynda da separatister köp. Äsırese, soltüstık jäne şyǧys Qazaqstanda slavian tūrǧyndary jetıp artylady", - dedı qoǧamdyq belsendı.Baǧdarlama barysynda Arman Şoraev Reseiden aǧylǧan qaşqyndarǧa qatysty öz pıkırın aitty.
"Menıŋ qaşqyndarǧa eşqandai janym aşymaidy. Būǧan Putinnıŋ faşitık rejimın qoldaǧan reseilıkterdıŋ barlyǧy kınälı. Ünsız qalǧandar da äskerde jazyqsyz ölıp, qyrylǧandardyŋ qanyn arqalaidy. Bız olarǧa barlyq jerde "Sender būl jerde uaqytşa jürsıŋder! Senderge ukrainalyqtardyŋ riza emes bolǧany sekıldı qazaqtyŋ jerınde de eşkım riza emes" dep aityp jatyrmyz, - dep jauap berdı.Özınıŋ prinsipşıldıgı jäne nyq ūstanymymen qoǧamdyq pıkır jetekşısıne ainalǧan Arman Şoraev söz soŋynda Reseidıŋ būl qarqynmen kete beretın bolsa, ışınen ırıp, tübı qūldyraitynyn atap öttı.
"Adyrna" ūlttyq portaly
Ūqsas jaŋalyqtar
