Batys Qazaqstan oblysy ákimdigi, Batys Qazaqstan oblysynyń mádenıet, tilderdi damytý jáne arhıv isi basqarmasynyń qoldaýymen, oblystyq halyq shyǵarmashylyǵy ortalyǵynyń uıymdastyrýymen 2022 jyly qazan aıynyń 4-6 kúnderi «Atameken» óner ordasynda HII Halyqaralyq «Atameken» án festıvali ótedi.
Baıqaýdyń maqsaty:
- Eskendir Hasanǵalıevtyń shyǵarmashylyǵyn, esimin ulyqtaý, jas urpaqqa nasıhattaý;
- Ultaralyq mádenı baılanystardy keńeıtý, yntymaqtastyqty jandandyrý;
- Án álemindegi daryndy jastardy halyqqa keńinen tanytyp, olardyń kásibı shyǵarmashylyqtaryn qoldaý.
4 qazan saǵat 18.00 – HII Halyqaralyq «Atameken» án festıvaliniń ashylýy jáne «Esińe al» Eskendir Hasanǵalıevty eske alý konerti
5 qazan saǵat 10.00 – HII Halyqaralyq «Atameken» festıvaliniń I kezeńi
saǵat 15.00 – Festıvaldiń II kezeńi
6 qazan saǵat 16.00 – Gala konert jáne jeńimpazdardy marapattaý.
HII Halyqaralyq án festıvaline shetelden: Ózbekstan (Núkis qalasy) jáne Qytaı elinen, respýblıka aýmaǵynan: Nur-Sultan, Almaty, Qostanaı, Qyzylorda, Aqtóbe, Atyraý, Mańǵystaý, Jambyl, Soltústik Qazaqstan, Ońtústik Qazaqstan, Shyǵys Qazaqstan, Ulytaý, Abaı oblysy jáne Oral qalasy, BQO aýdandarynan 25 úmitker qatysýǵa ótinish bildirdi.
Baıqaý estrada atalymy boıynsha ótkizilip, qatysýshylar E.Hasanǵalıevtyń 2 ánin usynady (qazaq tilinde nemese basqa tilge aýdarylǵan).
Baıqaýdyń qorytyndysy boıynsha jeńimpazdar arnaıy dıplom, statýetka jáne aqshalaı syılyqtarmen marapattalady.
Qazylar alqasynyń quramynda Eskendir Hasanǵalıevtyń uly, ánshi-kompozıtor Birjan Hasanǵalıev, sonymen qatar BQO óner maıtalmandary, Ǵ.Qurmanǵalıev atyndaǵy oblystyq fılarmonııasynyń ánshileri Marat Sarbópeev jáne Jaskeleń Ǵaısaǵalıev, ánshi-kompozıtor Tańat Jeksenbaev, sonymen qatar Almaty qalasynan IV halyqaralyq «Atameken» án baıqaýynyń Gran prı ıegeri, kınoakter, ánshi Ashat Úrpekov.
«Oblystyq halyq shyǵarmashylyǵy ortalyǵy» MKQK
Baılanys telefony: 8 /711 2/23-60-08,28-00-27
E-mail: ocnt-zko@mail.kz
