Shildeniń 18-i kúni “Adyrna” ulttyq portaly Qyzylorda oblysynyń turǵyny Nurlan Turmanovtyń oqıǵasyn jarııalaǵan bolatyn. Ol “Appaq Sábıt” laqap atymen belgili Sábıtbek Ómirzaqov bastaǵan qylmystyq top óltirmek bolǵanyn aıtyp, shaǵymdanǵan edi.
«Maqsattary meni óltirý bolǵan»: Qyzylorda oblysynyń turǵyny Toqaevqa hat joldady» taqyrybymen jarııalanǵan maqalada Nurlan Turmannan aqsha bopsalap, óziniń las isterine, munaıdy zańsyz tasymaldaý áreketterine aralastyrmaq bolǵan Ómirzaqov Sábıtbektiń atyna qansha aryz jazylǵanymen bostandyqta júrgeni, oǵan qatysty isterdiń jabýly qazan kúıinde qalatyny jazylǵan edi.
Alaıda aqshasy bardyń múmkindigi de mol zaman bolǵany ma? Nurlan Turmannyń oqıǵasyn zań da, basqasy da elep-eskermedi. Nurlannyń aıtýynsha, barlyǵy qaltalylardyń yǵyna kónip, Appaq Sábıttiń isin qaramaı otyr.
“Appaq Sábıt qazir bárin aldap otyr. Uıymdasqan qylmystyq toby damyǵan saıyn órship barady. Tipti, bazardy da ustap otyr. Ózbekterdi bopsalaýda. Báriniń kózdegeni aqsha bolǵandyqtan, Ómirzaqov Sábıtbektiń aqshasyna qyzyqqandar onyń artyn jaýyp otyr”, - deıdi ol.
Qanshama aryz jazyp, talaı esikti tozdyrǵan Nurlan Turmannyń áreketi osy kúnge deıin nátıjesiz. Tipti Toqaevqa 6 márte hat joldaǵanymen, quzyrly organdardan eshkim habarlaspaǵan. Onyń ádildik jolynda aıaq tozdyryp júgirip jazǵan aryzdary – bári qaraýsyz kúıi qaldy. Qanshama qylmysy bola tura Sábıtbek Ómirzaqov esh qınalmastan ómirin súrip júr. «Osynyń bárin aqshamen sheship otyr» degen Nurlan myrza ózine qatysty istiń qaıtadan qozǵalǵanyn talap etedi.
Nurlannyń aıtýynsha, qylmysty búrkep otyrǵan oblys prokýrory Nurlan Bıjanov eken.
“Qyzylordadaǵy qylmys álemniń kryshasy - Bıjanov Nurlan bolyp tur. Ol barlyǵyn qanatynyń astyna alyp otyr. Appaq Sábıt te osymen baılanysty. Sondyqtan da ol jazalanbaıdy”,- dedi Nurlan.
Aıta keteıik, Bıjanov Nurlan Dáýrenuly Qyzylorda oblysynyń prokýrory.
“Men Appaq Sábıttiń jazalanǵanyn qalaımyn. Ol maǵan qanshama zalal keltirdi. Biraq áli kúnge deıin jazasyn ótegen joq. Ádildik izdeımin! Qazir bazardaǵylardy da bopsalap, óz bıznesin ashyp aldy. Syrt kózge momaqan bıznesmen kóringenimen, “qoı terisin jamylǵan qasqyr” bolyp otyr. Men tek ózimdi ǵana emes, zardap shekken ózgelerge de alańdaımyn. Sondyqtan Ómirzaqov Sábıtbekti tekserip, is qozǵaýlaryńyzdy suraımyn. Ádildik bar shyǵar”, - dedi Nurlan Turman.
Nelikten Nurlan Turmanovtyń aryzy qaıta qaralmaıdy? Birneshe márte bopsalaý áreketterimen qosa, munaıdy zańsyz tasymaldaýǵa qatysy bar Sábıtbek Ómirzaqov ne sebepti jazalanbaıdy? Appaq Sábıttiń qylmystyq áreketterine qatysy bar Imanqulov Nurbolat, Berkinbaev Aıdos, Tileýov Nurlandar iske tartylyp, nege qamaýǵa alynbady? Osy suraqtar tóńireginde máseleleriniń sheshilgenin qalaǵan, otbasy men quqyǵyn qorǵamaq bolǵan, ári ádildik izdegen Nurlan Turmanov aryzynyń qaralǵanyn talap etip, redakııamyzǵa habarlasqan edi. Osyny eskergen biz de Prezıdentke, QR UQK, QR Joǵarǵy soty, Bas prokýratýrasyna qylmystyq istiń qaralýyn talap etemiz.
”Adyrna” ulttyq portaly
