Şıldenıŋ 18-ı künı “Adyrna” ūlttyq portaly Qyzylorda oblysynyŋ tūrǧyny Nūrlan Tūrmanovtyŋ oqiǧasyn jariialaǧan bolatyn. Ol “Appaq Säbit” laqap atymen belgılı Säbitbek Ömırzaqov bastaǧan qylmystyq top öltırmek bolǧanyn aityp, şaǧymdanǧan edı.
«Maqsattary menı öltıru bolǧan»: Qyzylorda oblysynyŋ tūrǧyny Toqaevqa hat joldady» taqyrybymen jariialanǧan maqalada Nūrlan Tūrmannan aqşa bopsalap, özınıŋ las ısterıne, mūnaidy zaŋsyz tasymaldau äreketterıne aralastyrmaq bolǧan Ömırzaqov Säbitbektıŋ atyna qanşa aryz jazylǧanymen bostandyqta jürgenı, oǧan qatysty ısterdıŋ jabuly qazan küiınde qalatyny jazylǧan edı.Alaida aqşasy bardyŋ mümkındıgı de mol zaman bolǧany ma? Nūrlan Tūrmannyŋ oqiǧasyn zaŋ da, basqasy da elep-eskermedı. Nūrlannyŋ aituynşa, barlyǧy qaltalylardyŋ yǧyna könıp, Appaq Säbittıŋ ısın qaramai otyr.
“Appaq Säbit qazır bärın aldap otyr. Ūiymdasqan qylmystyq toby damyǧan saiyn örşıp barady. Tıptı, bazardy da ūstap otyr. Özbekterdı bopsalauda. Bärınıŋ közdegenı aqşa bolǧandyqtan, Ömırzaqov Säbitbektıŋ aqşasyna qyzyqqandar onyŋ artyn jauyp otyr”, - deidı ol.
Qanşama aryz jazyp, talai esıktı tozdyrǧan Nūrlan Tūrmannyŋ äreketı osy künge deiın nätijesız. Tıptı Toqaevqa 6 märte hat joldaǧanymen, qūzyrly organdardan eşkım habarlaspaǧan. Onyŋ ädıldık jolynda aiaq tozdyryp jügırıp jazǧan aryzdary – bärı qarausyz küiı qaldy. Qanşama qylmysy bola tūra Säbitbek Ömırzaqov eş qinalmastan ömırın sürıp jür. «Osynyŋ bärın aqşamen şeşıp otyr» degen Nūrlan myrza özıne qatysty ıstıŋ qaitadan qozǧalǧanyn talap etedı.
Nūrlannyŋ aituynşa, qylmysty bürkep otyrǧan oblys prokurory Nūrlan Bijanov eken.
“Qyzylordadaǧy qylmys älemnıŋ kryşasy - Bijanov Nūrlan bolyp tūr. Ol barlyǧyn qanatynyŋ astyna alyp otyr. Appaq Säbit te osymen bailanysty. Sondyqtan da ol jazalanbaidy”,- dedı Nūrlan.
Aita keteiık, Bijanov Nūrlan Däurenūly Qyzylorda oblysynyŋ prokurory.
“Men Appaq Säbittıŋ jazalanǧanyn qalaimyn. Ol maǧan qanşama zalal keltırdı. Bıraq älı künge deiın jazasyn ötegen joq. Ädıldık ızdeimın! Qazır bazardaǧylardy da bopsalap, öz biznesın aşyp aldy. Syrt közge momaqan biznesmen körıngenımen, “qoi terısın jamylǧan qasqyr” bolyp otyr. Men tek özımdı ǧana emes, zardap şekken özgelerge de alaŋdaimyn. Sondyqtan Ömırzaqov Säbitbektı tekserıp, ıs qozǧaularyŋyzdy sūraimyn. Ädıldık bar şyǧar”, - dedı Nūrlan Tūrman.
Nelıkten Nūrlan Tūrmanovtyŋ aryzy qaita qaralmaidy? Bırneşe märte bopsalau äreketterımen qosa, mūnaidy zaŋsyz tasymaldauǧa qatysy bar Säbitbek Ömırzaqov ne sebeptı jazalanbaidy? Appaq Säbittıŋ qylmystyq äreketterıne qatysy bar İmanqūlov Nūrbolat, Berkınbaev Aidos, Tıleuov Nūrlandar ıske tartylyp, nege qamauǧa alynbady? Osy sūraqtar töŋıregınde mäselelerınıŋ şeşılgenın qalaǧan, otbasy men qūqyǧyn qorǧamaq bolǧan, ärı ädıldık ızdegen Nūrlan Tūrmanov aryzynyŋ qaralǧanyn talap etıp, redaksiiamyzǧa habarlasqan edı. Osyny eskergen bız de Prezidentke, QR ŪQK, QR Joǧarǧy soty, Bas prokuraturasyna qylmystyq ıstıŋ qaraluyn talap etemız.
”Adyrna” ūlttyq portaly
