Batys Qazaqstan oblysymen shektesetin Reseımen shekaradaǵy ahýal tolyq baqylaýda. Bul týraly BQO ákiminiń orynbasary Baqytjan Narymbetov óńirlik kommýnıkaııalar qyzmeti alańynda ótken brıfıngte málimdedi.
Baqytjan Qaberulynyń aıtýynsha, barlyq kúshtik qurylymdar men memlekettik organdar óńir turǵyndarynyń qaýipsizdigin qamtamasyz etý úshin qyzmet etýde.
Qazirgi tańda Reseı Federaııasynan Qazaqstanǵa ótetin shekara beketterinde táýliktik patrýldeý júrgizilip jatyr. «Syrym», «Shaǵan», «Tasqala», «Teplyı» shekara beketterinde polıııa departamenti qyzmetkerleri táýlik boıy úzdiksiz jumys isteýde. Oral qalasy boıynsha patrýldik polıııa men jaıaý jasaqtar kóbeıtilip, barlyq qoǵamdyq jerler baqylaný ústinde.
Odan bólek eriktilerden qurylǵan 5 top (25 adam) oblys ortalyǵyndaǵy alań, parkterge baqylaý jasap, monıtorıng júrgizýde.
Oblystaǵy eriktiler Reseıden kelgenderge jınalý oryndary men kómek kórsetý oryndaryn (temirjol beketi, avtobeket, «Dına» sýpermarketi) belgilep, qolushyn berýde.
Oblys ákimi orynbasarynyń málimdeýinshe, tasymaldaýshylarmen shekaradan Oralǵa jáne odan ári jetkizý oryndaryna deıin kelisilgen baǵada (1 adamnan 700 rýbl) tasymaldaý júrgizilýde.
Oblys eriktileriniń bastamasymen «Atameken» jáne «Samal» jazǵy lagerleriniń bazasynda kelýshilerdi aqyly túrde qabyldaý pýnktteri (barlyǵy 330 oryn) uıymdastyryldy.
Kúni búgin atalǵan qabyldaý pýnktterinde ýaqytsha turý jáne tamaqtaný qyzmetteri aqyly túrde kórsetilýde (ýaqytsha turý +tamaqtaný aqysy – 5000 teńge).
Reseıden kelgender jáne óńir turǵyndary túıtkildi máselelerdi sheshý maqsatynda 109 biryńǵaı call-ortalyǵyna habarlasýǵa bolady.
Sonymen birge áleýmettik jelilerde elimizdiń basqa óńirlerine júretin turaqty avtobýs marshrýttarynyń qozǵalys kestesi, jolaqy baǵasy týraly aqparattar ornalastyryldy. Mysaly, qalyptasqan jaǵdaıǵa baılanysty Atyraý qalasyna jolaýshylar avtobýsy kúnine úsh ret qatynaýda.
«Sondaı-aq barlyq poıyz baǵyttaryna qosymsha vagondar tirkeý, áýe reısterin kóbeıtý jóninde suranystar boıynsha tıisti mınıstrlik pen «Qazaqstan temir joly» ulttyq kompanııasymen kelissózder júrgizip jatyrmyz. Qajet bolǵan jaǵdaıda monıtorıng jáne jedel sharalar qabyldaý úshin derbes shtab qurylatyn bolady. Oblys ákimi azyq-túlik tapshylyǵyna jol bermeýdi jáne taýarlardyń turaqty bolýyn qamtamasyz etýdi tapsyrdy. Sol sebepti azyq-túlik baǵasyn tekserý jáne deldaldardy anyqtaý maqsatynda monıtorıngtik toptar jumystanýda»,— dedi B.Narymbetov.
