Batys Qazaqstan oblysymen şektesetın Reseimen şekaradaǧy ahual tolyq baqylauda. Būl turaly BQO äkımınıŋ orynbasary Baqytjan Narymbetov öŋırlık kommunikasiialar qyzmetı alaŋynda ötken brifingte mälımdedı.
Baqytjan Qaberūlynyŋ aituynşa, barlyq küştık qūrylymdar men memlekettık organdar öŋır tūrǧyndarynyŋ qauıpsızdıgın qamtamasyz etu üşın qyzmet etude.
Qazırgı taŋda Resei Federasiiasynan Qazaqstanǧa ötetın şekara beketterınde täulıktık patruldeu jürgızılıp jatyr. «Syrym», «Şaǧan», «Tasqala», «Teplyi» şekara beketterınde polisiia departamentı qyzmetkerlerı täulık boiy üzdıksız jūmys ısteude. Oral qalasy boiynşa patruldık polisiia men jaiau jasaqtar köbeitılıp, barlyq qoǧamdyq jerler baqylanu üstınde.
Odan bölek erıktılerden qūrylǧan 5 top (25 adam) oblys ortalyǧyndaǧy alaŋ, parkterge baqylau jasap, monitoring jürgızude.
Oblystaǧy erıktıler Reseiden kelgenderge jinalu oryndary men kömek körsetu oryndaryn (temırjol beketı, avtobeket, «Dina» supermarketı) belgılep, qolūşyn berude.
Oblys äkımı orynbasarynyŋ mälımdeuınşe, tasymaldauşylarmen şekaradan Oralǧa jäne odan ärı jetkızu oryndaryna deiın kelısılgen baǧada (1 adamnan 700 rubl) tasymaldau jürgızılude.
Oblys erıktılerınıŋ bastamasymen «Atameken» jäne «Samal» jazǧy lagerlerınıŋ bazasynda keluşılerdı aqyly türde qabyldau punktterı (barlyǧy 330 oryn) ūiymdastyryldy.
Künı bügın atalǧan qabyldau punktterınde uaqytşa tūru jäne tamaqtanu qyzmetterı aqyly türde körsetılude (uaqytşa tūru +tamaqtanu aqysy – 5000 teŋge).
Reseiden kelgender jäne öŋır tūrǧyndary tüitkıldı mäselelerdı şeşu maqsatynda 109 bıryŋǧai call-ortalyǧyna habarlasuǧa bolady.
Sonymen bırge äleumettık jelılerde elımızdıŋ basqa öŋırlerıne jüretın tūraqty avtobus marşruttarynyŋ qozǧalys kestesı, jolaqy baǧasy turaly aqparattar ornalastyryldy. Mysaly, qalyptasqan jaǧdaiǧa bailanysty Atyrau qalasyna jolauşylar avtobusy künıne üş ret qatynauda.
«Sondai-aq barlyq poiyz baǧyttaryna qosymşa vagondar tırkeu, äue reisterın köbeitu jönınde sūranystar boiynşa tiıstı ministrlık pen «Qazaqstan temır joly» ūlttyq kompaniiasymen kelıssözder jürgızıp jatyrmyz. Qajet bolǧan jaǧdaida monitoring jäne jedel şaralar qabyldau üşın derbes ştab qūrylatyn bolady. Oblys äkımı azyq-tülık tapşylyǧyna jol bermeudı jäne tauarlardyŋ tūraqty boluyn qamtamasyz etudı tapsyrdy. Sol sebeptı azyq-tülık baǧasyn tekseru jäne deldaldardy anyqtau maqsatynda monitoringtık toptar jūmystanuda»,— dedı B.Narymbetov.
