Aqyn Serik Aqsuńqaruly QR-daǵy ózgeristerge qatysty pikir bildirdi, dep habarlaıdy "Adyrna" ulttyq portaly
– Bıyl kóptegen oqıǵalar men saıası ózgeristerdiń kýási bolyp jatyrmyz. Áli talaıyna kýá bolarymyz anyq. Sonyń biri – qarashada ótkeli turǵan kezekten tys prezıdent saılaýy. Memleket basshysy 1 qyrkúıektegi Joldaýda osy jańalyqty jarııa etkende kópti tańyrqaǵany ras. Desek te, prezıdent saılaýynyń merziminen buryn ótetini aqylǵa qonymdy dúnıe. Negizi saılaý 2024 jyly bolýy kerek ekenin bilemiz. Biraq memleket bıligi burynǵydan múlde basqa, jańasha soqpaqqa tústi. Sondyqtan bas bola biletin basshyny erterek saılap alyp, júıeli isterdi oılastyryp, sol jolda jumyla bilgen abzal.
Aınalamyzdaǵy elderdiń tutastyǵyna syzat túsken mezette bárin tereńinen boljaǵan durys. Biz de sol qatelikterdi jibermes úshin saıası reformalar baǵytyn nyǵaıtýdamyz dep oılaımyn. Onyń ústine, aldaǵy prezıdentter tek bir merzimge saılanady. Bul da jańasha bir ózgeristiń kórinisi. Álemde prezıdenttiń ókilettigin osylaı rettegen elder asa kóp emes. Áıtkenmen halyq úshin ter tógip, janyn salyp jumys isteıtin adamǵa 7 jyl ýaqyt azdyq etpeıdi. Jolǵa qoıǵan maqsatyn oryndap, kóp máseleni retke keltirip úlgerýi tıis. Osylaısha, álem saıasatynda demokratııany ustanatyn elderdiń qataryn tolyqtyrýǵa umtylys jasap otyrmyz. Memleket bıliginiń jańa saıası júıege kóship jatqany óte durys. Sonyń arqasynda halyq pen el ańsaǵan ádiletti kezeńge jete alamyz. Ol úshin osy bastan memleket múddesin oılaıtyn ár adam aıanbaı eńbek etkeni jón, - dedi qalamger.
