Batys Qazaqstan oblysynyń Shyńǵyrlaý aýylynyń Qylyshov atyndaǵy orta mektebinde “Adyrna" ulttyq-etnografııalyq birlestigi "Azamattyq bastamalardy qoldaý ortalyǵynyń" granttyq jobasy aıasynda jastardy áleýmettendirý boıynsha ustazdar qaýymyna oqytý dáristerin ótkizdi.
Jıynda joba maqsaty men mindetteri, jastardy yntalandyrýdyń joldary men ádisteri túsindirilip, sońy suraq-jaýap negizindegi talqylaýǵa ulasty. Sharaǵa qatysqan Shyńǵyrlaý aýdanynyń ustazdary ataýly jobaǵa erekshe yqylas bildirdi. Aýdandyq bilim bóliminiń ádiskeri Samat Baıbolat jastardy áleýmettendirý jobasynyń óte mańyzdylyǵyn atap ótip, dáriskerlerge óz rızashylyǵyn bildirdi. Ol joba aıasynda ótetin óńirlik baıqaýǵa jastardy kóbirek qatystyrýǵa bar kúsh-jigerin jumsaıtyndyǵyn jetkizdi.
Semınar-trenıngke qatysqan muǵalimder sertıfıkatpen, uıymdastyrýǵa kómek kórsetken ákimshilik ókilderi alǵys xatpen marapattaldy.
Arman SERIKULY,
"Adyrna" ulttyq portaly
