26 jáne 27 qyrkúıek kúni «Samuryq-Qazyna» AQ, «QazMunaıGaz» UK AQ, «Qazposhta» AQ, qazaqstandyq brokerlik-dılerlik uıymdar, AIX jáne KASE qor bırjalarynyń ókilderi Oral qalasynyń kásiporyn qyzmetkerlerimen jáne turǵyndarymen kezdesip, IPO baǵdarlamasyna qatysý múmkindikteri týraly keńinen aıtyp beredi.
Is-shara qatysýshylary jurtshylyqty «Samuryq-Qazyna» AQ jekeshelendirý baǵdarlamasynyń jáne portfeldik kompanııalardyń IPO-synyń iske asyrylý barysymen jáne birinshi IPO-kandıdat – «QazMunaıGaz» UK AQ kompanııasy týraly negizgi aqparatpen tanystyrady.
Uıymdastyrýshylar kezdesýge qatysýshylardyń suraqtaryna jaýap beredi.
Oral qalasynyń turǵyndarymen kezdesý 2022 jyldyń 26 qyrkúıeginde saǵat 14:30-da Astana dańǵyly, 10 meken-jaıy boıynsha ornalasqan «Dostyq úıi» ǵımaratynda ótedi.
Sondaı-aq, 27 qyrkúıek kúni saǵat 11:00-de Aqsaı kentiniń turǵyndarymen 4 shaǵyn aýdan meken-jaıynda kezdesý ótedi., №3 JOBBM.
Qordyń jekeshelendirý jáne IPO baǵdarlamasy týraly tolyq aqparatty ipo.sk.kz resmı saıtynan bilýge bolady.
