Saıasatanýshy Ǵazız Ábishev Qazaqstan Reseımen shekarany nyǵaıtý úshin Qytaı men Túrkııa áskerlerin kirgizýi múmkin dep esepteıdi. Bul týraly ol óziniń telegram-arnasynda jarııalady, dep habarlaıdy “Adyrna” ulttyq portaly.
«Qazir reseılik áskerler qarbalas, al qazaqstandyq áskerler azdyq etedi. Múmkin Reseı Federaııasymen jaqsy qarym-qatynasta bolǵan jáne Reseı senetin elderden kómek suraımyz ba? Mysaly, Qytaı men Túrkııa. Aıtpaqshy, bıyl olar Qazaqstannyń qaýipsizdigi men aýmaqtyq tutastyǵyna belsendi túrde kepildik berdi. Soltústik shekarada túrikter men qytaılardyń shekteýli kontıngenti shynaıy nusqa ma?
Árıne, Reseıge kómektesý úshin. Basqasha qalaı bolsyn? Al álem kenet bas qosyp, Qazaqstandy kómeıinen ustap, óte mańyzdy tańdaý jasaýdy talap etse, túrik pen qytaılyq áriptester de artyq bolmas.Iá, senarıı keremet. Biraq sońǵy jyldary kóptegen fantastıkalyq senarııler oryndaldy, solaı emes pe?» delingen habarlamada.
Eske salaıyq, Reseı prezıdenti Vladımır Pýtın búgin, 21 qyrkúıekten bastap jartylaı mobılızaııa týraly jarııalady. Áskerı qyzmetke tek zapastaǵy jáne qarýly kúshter qatarynda qyzmet etken, belgili bir mamandyqtary men tıisti tájirıbesi bar azamattar ǵana shaqyrylady.
”Adyrna” ulttyq portaly
