Qoqys tarıfi kóterildi

1199
Adyrna.kz Telegram

Bul týraly Oral qalalyq máslıhatynyń kezekti 19-shy sessııasynda depýtattar biraýyzdan sheshim qabyldady.

Sessııanyń kún tártibinde Oral qalasynda «Batys Qazaqstan oblysy áleýmettik-ekonomıkalyq damytýdyń 2022-2025 jyldarǵa arnalǵan keshendi josparyn» iske asyrý, Oral qalasy boıynsha kommýnaldyq qaldyqtardyń túzilý jáne jınaqtalý normalaryn bekitý, qatty turmystyq qaldyqtardy jınaý, tasymaldaý, suryptaý jáne kómýge arnalǵan tarıfterdi bekitý, kondomınıým obektisin basqarýǵa jáne kondomınıým obektisiniń ortaq múlkin kútip-ustaýǵa arnalǵan shyǵystardyń eń az mólsheri bekitý máseleleri qaraldy.

– Sessııada kóterilgen ózekti másele bul qatty turmys qaldyqtaryn jınaýǵa, óńdeýge qatysty tarıftiń kóterilýi týraly boldy. Qala tazalyǵy bul birinshiden úıden shyqqan qoqystardyń ýaqytyly jınalyp, qala syrtyna shyǵarylyp, joıylýynan bastalady. Sondyqtan bul jerde jumys kúshiniń, tehnıkanyń mańyzy zor. Tarıfti kóterý arqyly jumysshylardyń jalaqysy kóteriletinin, tehnıkanyń jańaratynyn aldyńǵy sessııalardyń otyrysynda aıtqan bolatynbyz. Endi búgingi sessııanyń sheshimi boıynsha qatty turmystyq qaldyqtardy jınaý, tasymaldaý, óńdeýge alynatyn tarıf kópqabatty úılerdiń turǵyndary úshin 1 adamǵa 442,92 teńgeni, jeke úılerge 1 adamǵa 451,64 teńgeni, al birlik kólem úshin jyldyq tarıf 2092,55 teńgeni quraıtyn boldy, – deıdi qalalyq máslıhat depýtaty Nurgúl Ashyqova.

Al qalalyq máslıhat depýtaty Kenesary Nursha kópbalaly otbasylarǵa, múmkindigi shekteýli jandarǵa tarıf baǵamyn jeńildetýdi surady jáne ótinish qanaǵattandyryldy.

Sondaı-aq jıynda Oral qalasy boıynsha sheteldikter úshin 2022 jylǵa arnalǵan týrıstik jarna mólsherlemelerin bekitý, Oral qalalyq máslıhatynyń qalalyq aýmaqtyq jáne ýchaskelik saılaý komıssııalarynyń quramyn saılaý týraly sheshimine ózgerister engizý máseleleri talqylandy.

Joǵaryda qaralǵan máseleler boıynsha qala depýtattary tıisti sheshimderdi qabyldady.

Pikirler