Batys Qazaqstan oblysynyń Jańaqala eldi-mekeniniń Jańaqala kolledjinde óńirlik jastardy áleýmettik damytý jobasy boıynsha ustazdarǵa arnalǵan semınar-trenıng ótti. Oǵan Ishki saıasat bólimi, jastar resýrstyq ortalyǵy, aýdandyq bilim berý bóliminiń mamandary, mektep jáne kolledj ustazdary qatysqan sharada 20-dan astam adam boldy. Semınar barysynda jobanyń maqsaty, nysanasy, júzege asyrylý tásilderi týraly dáris tyńdaǵan qatysýshylarǵa arnaıy sertıfıkattar tabys etildi. Aýdandyq bilim berý bóliminiń tárbıe isi boıynsha ádiskeri Gýbashev Álibı Salyquly Jańaqala aýdany boıynsha Jobany júzege asyrýǵa jaýapty maman bolyp bekitildi.
Jastardy áleýmettendirý – shyǵarmashylyq,sporttyq, ákerı-patrıottyq, zııatkerlik, qoǵamdyq belsendilik, ulttyq qunydylyqtardy taný, óz-ózin baǵalaý turǵysynan jas tolqynnyń bolashaq tulǵa retinde qalyptasýyna jalpy jaǵdaı jasaý. Abaıdyń tilimen aıtqanda, dúnıege kirpish bolyp qalanýyn qamtamasyz etý, qoǵamdyq ómirge qosylyp óz ornyn tabýy.
Bul joba QR Qoǵamdyq damý mınıstrligi men "Azamattyq bastamalardy qoldaý ortalyǵynyń" tapsyrysy aıasynda "Adyrna" ulttyq-etnografııalyq birlestigi tarapynan júzege asyrylyp jatqandyǵyn esterińizge sala ketkimiz keledi.
Arman SERIKULY,
"Adyrna" ulttyq-etnografııalyq
birlestiginiń dırektory
