«Nur-Er» at sporty týrıstik ortalyǵy ashyldy

1435
Adyrna.kz Telegram

Oralda «Qala kúnine» oraı «Nur-Er» at sporty týrıstik ortalyǵy ashyldy.
Zashaǵan kentine qarasty Jaqsy aýyl aýdanynda ornalasqan keshende jabyq manej jáne kafe ornalasqan, aýmaǵy eki myń sharshy metrdi quraıdy.

– Halqymyz ejelden jylqyny erekshe qasterlegen. Onyń bolmysyndaǵy barsha qasıetin jaqsy tanyp, zerdeledi. Bul ortalyq óńirde at sportyn damytýǵa úlken múmkindik beredi. Atqa mingen qazaq balalarynyń densaýlyǵy myqty, shymyr bolary sózsiz, – dedi nysannyń ashylýyna arnaıy qatysqan qala ákimi Mırjan Satqanov.

Oral qalalyq dene shynyqtyrý jáne sport bóliminiń basshysy Artý sherǵalıevtyń aıtýynsha, shahar balalarynyń budan bylaı osy jerde ulttyq sportpen aınalysýyna tolyq jaǵdaı jasalǵan. Jasóspirimderdi ulttyq at sportyna baýlý, dene shynyqtyrý jáne sportpen júıeli túrde aınalysýǵa jaǵdaı jasaý, sport rezervin jáne joǵary dárejeli sportshylardy daıarlaý maqsat tutqan ortalyqta ulttyq sporttyń aýdaryspaq, kókpar, jamby atý, teńge ilý túrlerinen jattyǵý jumystary júrgiziledi.

At sporty ortalyǵynyń quryltaıshysy Nurbolat Ismaǵulov keler jyly qonaq úı keshenenin salýdy josparlap otyrǵanyn jasyrmady.

– Ázirge meıramhana jumysyn bastady. Qysta turǵyndar shańǵy teýip, qarda júretin kóliktermen serýendeı alady. Munda erekshe balalarǵa arnalǵan ıppoterapııa saǵattaryn ótkizý,turǵyndarǵa atpen serýendeýge múmkindik bar, – deıdi ol.

Mundaǵy úıirmege 9-16 jas aralyǵyndary ul-qyzdar qabyldanady. Atalmysh úıirmede 100 jasóspirimge jattyǵýǵa múmkindik bar. Sondaı-aq, 16-17 qyrkúıek kúnderi «Qala kúni» oraı atalmysh kentte «Dala qyzyqtary» uıymdastyrylyp, kókpar men teńge ilýden jarys ótti. Kıiz úıler baıqaýy men oblys aýdandarynan kelgen ártisterdiń konerti kópshilik nazaryna usynyldy. Jeńimpazdardy shahar basshysy marapattap, estelik syılyqtar tabys etti.

Pikirler