Jambyl oblysy, Turar Rysqulov aýdanyndaǵy qoǵamdyq keńes músheleri Qulan mektebi men Qaraqat aýylyndaǵy shaǵyn ortalyqty orta mekteptiń ahýalyna qatysty dabyl qaǵýda, dep habarlaıdy "Adyrna" ulttyq portaly.
Qoǵamdyq keńes músheleri Ismaıl Gerıkov men Azamat Barmenov qurylys oryndaryn aralaý barysynda mekteptiń irgetasy joq, al qabyrǵasy saman men aralas kirpishten qalanǵanyn anyqtaǵan. Ekspertıza mektep irgetasy bar, qabyrǵasy qyzyl kirpishten qalanǵan dep kórsetken. Belsendiler aýdannyń burynǵy ákimi Sadyrqulov pen bilim bóliminiń basshysy Bazarovanyń qurylys jumysy bastalmaı turyp qarjynyń 75%-ten astamyn, ıaǵnı 117 000 000 teńgeni birden aýdarǵanyn aıtady.
- Foto, vıdeodan kórip otyrǵanymyzdaı, eshqandaı jumys jasalyp jaqan joq. Sebebi, o bastan sapasyz bastalǵan jumysty baıqaǵan aýyl janashyrlary jumysty toqtatqan... Endi Ismaıl Myrza merdigermen sóılesse, "men alarymdy alyp qoıǵanmyn, eshteńe isteı almaısyń" degen áńgime aıtylǵan eken. Osy jibergen óreskel qatelikterge kim jaýapty? Aýdandyq bilim bólimi basshysy, mektep dırektorlar, jergilikti basshylar qaıda qarap júrdi? - dep jazdy qoǵam belsendileri.
"Adyrna" ulttyq portaly
